France Football нашри Левандовскига 2020 йил учун "Олтин тўп" бериш ғоясини кўриб чиқади
01 дек 2021 16:44
Янгиликлар

France Football нашри Левандовскига 2020 йил учун "Олтин тўп" бериш ғоясини кўриб чиқади

France Football муҳаррири Паскаль Ферре "Бавария" ҳужумчиси Роберт Левандовскига 2020 йил учун "Олтин тўп" бериш ғояси кўриб чиқилишини айтди.

"Месси айтган нарса яхши ва ақл билан ўйланганди. Аммо, бундай қарорни жуда тез қабул қилиш ярамайди. Биз бу ҳақда ўйлаб кўрамиз, демократик сайловлар тамойиллари асосидаги "Олтин тўп" тарихини ҳурмат қилишимиз керак", - дейди Ферре.

2021 йил "Олтин тўп" учун овозни энг кўп ПСЖ ҳужумчиси Лионель Месси олди. Аргентиналик саҳнада 2020 йил учун ушбу совринни поляк олиши кераклигини айтди. Левандовски бу йилги мукофот учун курашда иккинчи ўринни олди.

2020 йил учун "Олтин тўп" бериш маросими коронавирус пандемияси туфайли бекор қилинган эди.

Ҳавола :

Манба : Watson

Янгиликларни Телеграмда ўқинг!

Рейтинг: +23