Фонсека: "Замонавий футбол яхши ўйинчиларни ўлдиради"

Римнинг "Рома" клуби бош мураббийи Паулу Фонсека ҳозирги замон футболчиларида ўйинлар сони кўпайиб кетгани ҳақида фикр билдирди:

"Клубда ҳам, терма жамоада ҳам орттирилган жароҳатлар катта муаммо ҳисобланади. Ҳар ҳафта терма жамоа ёки клублар сафида кўплаб футболчилар жароҳатланганига гувоҳ бўламиз.

Замонавий футбол энг яхши футболчиларни ўлдиради. Чунки ҳам терма жамоа, ҳам клуб учун ўйнаш жисмоний жиҳатдан имконсиздир. Ҳозир турнирлар сони жуда кўп. Футбол раҳбарлари бу ҳақида ўйлаб кўришлари керак".