"Фенербахче" Асенсио учун ПСЖга 15 млн евро таклиф қилди
03 июл 13:39
Янгиликлар

"Фенербахче" Асенсио учун ПСЖга 15 млн евро таклиф қилди

Туркиянинг "Фенербахче" жамоаси ПСЖ клубига Марко Асенсио учун 15 млн евро таклиф этди.

Манбаларга кўра, улар футболчининг 2026 йилда тугайдиган шартномасининг сўнгги йили учун шунча пул таклиф қилишмоқда.

"L'Equipe" нашри хабарига кўра, “Фенербахче” вакили Асенсио билан учрашиб, шартнома шартларини муҳокама қилган, клубнинг бош мураббийи Жозе Моуринью эса жамоанинг чап қанотини кучайтирмоқчи бўлгани учун музокараларда шахсан иштирок этмоқда.

Қайд этилишича, "Реал" собиқ футболчиси Саудия Арабистони вариантини ҳам кўриб чиқмоқда.

Асенсио ўтган мавсум 37 ўйинда майдонга тушиб, 10 та гол урди ва 5 та голли узатмани амалга оширди. У мавсумнинг биринчи ярмини ижара асосида ПСЖда, иккинчи ярмини "Астон Вилла"да ўтказди.

Ҳавола :

Манба : L'Equipe

Янгиликларни Телеграмда ўқинг!

Рейтинг: +3