"EPL Manager": Биринчи тур якунлари

Душанба куни Англия премьер-лигасининг дастлабки тури ва фентези-футбол бўйича Осиё очиқ чемпионатининг биринчи тури якунланди. Амалдаги Англия чемпиони "Лестер" кутилмаганда дебютант "Халл Сити"га (1:2) ютқазиб қўйди, турда бошқа сенсация кузатилмади. Дастлабки турда "Ливерпуль" ва "Арсенал" ўртасидаги томошабоп (4:3) ўйин гувоҳига айландик. 

Филиппе Коутинью турнинг энг яхши футболчиси бўлди, уни сайтнинг 22 фоиз иштирокчилари ўз жамоаларига олишган. "Ливерпуль" клуби аъзоси иккита гол ургани учун 12 очко тўплади.

Футболчилар орасида энг кўп олинган Давид де Хеа "Борнмут"дан гол ўтказиб юборди ва қуруқ ўйин учун очко оломади. "Манчестер Юнайтед" посбонида 3 очко бор. Энг кўп танланганлар орасида иккинчи ўриндаги Златан Ибрагимович "манкунианликлар" сафида премьер-лигадаги илк ўйинда тўп киритиб 6 очкони ўз ҳисобига қўшиб қўйди.

Сайтнинг 32 фоиз фойдаланувчиси томонидан танланган Поль Погба премьер-лиганинг биринчи турида кўриниш бермади. Бундан ташқари қуйидаги футболчилар минглар фойдаланувчиларга панд бериб қўйишди: Варди (2 очко), Стоунз (2 очко) ва Димитри Пайе (1 очко). 

Дастлабки турда фақат икки клуб ўз дарвозаси даҳлсизлигини сақлаб қолди - "Суонси" ва "Вест Бромвич". Қолган барча клублар ўз дарвозаларидан камида 1тадан гол ўтказиб юборишди.

Фентези-футбол бўйича Осиё очиқ чемпионатининг 1-туридан сўнг Индонезияда рўйхатдан ўтган "Tekyan FC" жамоаси (ушбу жамоа таркиби қуйида расмда тақдим этилган) 73 очко билан пешқадам бўлиб турибди. Ундан кейин 72 очко тўплаган бир йўла 4 жамоа бор. Улар орасида Ўзбекистонда тузилган жамоа ҳам бор. Илк турда Ўзбекистондан очко тўплаш бўйича кучли ўнликка уч жамоа кирди: "Uz Liverpool" (2-ўрин), "TIM" (5-ўрин) ва "ABDULLOH 184" (9-ўрин). 

Ҳафтанинг энг кўп очко олган футболчилари:

Philippe Coutinho (Liverpool) -  12 очко

Adam Lallana (Liverpool) - 9 очко

Leroy Fer (Swansea City) -  9 очко

Anthony Martial (Manchester United) -  8 очко

Ben Foster (West Bromwich Albion) -  8 очко

Энг кўп супер-капитан сифатида танланганлар:

1. Zlatan Ibrahimovic

2. Sergio Agüero

3. David de Gea

4. Eden Hazard

5. Philippe Coutinho

Бу фақатгина биринчи тур, кейинги ҳафтада барчаси ўзгариб кетиши мумкин. Осиё очиқ чемпионатининг совринлари учун кураш эндигина бошланмоқда.

Рўйхатдан ўтинг, жамоа тузинг, eplmanager.com сайтида совринли лигаларда иштирок этинг ва Ўзбекистонни фентези-футболда янада юқорига кўтаринг!

Агар ушбу совринли лигага қўшилишга улгурмаган бўлсангиз, афсусланишга ҳожат йўқ - биз янги совринли лигани ҳам ишга тушириб бўлдик! Ҳозироқ янги лигага қўшилинг ва қимматбаҳо совғалар учун курашинг - ЛИГАГА КИРИШ