ЕЧЛ. «Манчестер Сити» – «Тоттенҳэм» учрашуви мусобақа рекордини ўрнатди
18 апр 2019 00:47
Янгиликлар

ЕЧЛ. «Манчестер Сити» – «Тоттенҳэм» учрашуви мусобақа рекордини ўрнатди

ЕЧЛнинг чорак финал жавоб учрашуви доирасидаги «Манчестер Сити» ҳамда «Тоттенҳэм» учрашувининг илк дақиқалари голларга бой ўтди.

21-дақиқага келиб, мухлислар 5та гол кўришга муваффақ бўлди. Бу натижа мусобақа тарихидаги энг яхшиси ҳисобланади.

Аввалига, «шаҳарликлар» форварди Раҳим Стерлинг 4-дақиқадаёқ ҳисобни очган бўлса, икки дақиқа ўтар-ўтмас, Сон Хён Мин ҳисобни тенглаштиради. Бироздан сўнг, яна ўша кореялик футболчи ҳисобни ўзгартиради. Кейин эса Бернардо Силва ҳисобни тенглаштиради ва Стерлинг дубль қайд этиб яна «Ман Сити»ни олдинга олиб чиқади.

Аввалги рекорд натижа 2016-йилги «Боруссия» – «Легия» ўртасидаги баҳсга тегишли эди. Ўшанда жамоалар 24 дақиқа ичида 5та гол урган (3:2) ва ўйин якунида эса «арилар» 8:4 ҳисобида зафар қозонганди.

Ҳавола :

Манба : ESPN

Янгиликларни Телеграмда ўқинг!

Рейтинг: +17