"Динамо" - "Пахтакор" 0:1. (Тўлиқ шарҳ)

Учрашув олдидан «Динамо» жамоаси таркибида муаммолар бор эди. Ижара асосидаги келишувга кўра, икки марказий ҳимоячилар Илдар Маматказин ва Акмал Холмуродовлар жамоага ёрдам бера олишмади. Уларнинг ўрнига ёш маҳаллий футболчилар тўп суришди.

Шиддатли ва курашларга бой ўтган учрашув тенгкурашлар остида бошланган бўлсада, 22-дақиқага келиб бурчак тўпидан амалга оширилган узатмани чемпионат тўпурарларидан бири Игорь Сергеев «Динамо» дарвозасига жойлаб қўйди.

Ушбу голдан сўнг жамоалар курашни тўхтатишмади ва ҳужумлар оқими давом этаверди. Қайд этиш жоиз, ҳар икки томон ҳам аксарият ҳолларда жуда асабий руҳда тўп суриб қўполликлар юзага келди.

Иккинчи бўлимда ҳам «Динамо» қарши ҳужумларда меҳмонлар дарвозасини ишғол этишга интилди, бироқ шу куни тошкентликлар ҳимоя қўрғони анча барқарор ўйин намойиш этди ва ягона гол учрашув тақдирини ҳал этди.

Олий Лига. 12-тур. 7 июнь (якшанба)

«ДИНАМО» - «ПАХТАКОР» - 0:1

Ҳакамлар: Р.Бобомуродов, Р.Самандаров, О.Жумаев, И.Иброҳимов.

Назоратчи: Р.Серазитдинов

Гол: Игорь Сергеев, 22.

«Динамо»: А.Мельничук, Б.Исроилов, М.Фомин, О.Зокиров, Ж.Азимов (И.Шарипов, 76), К.Шарофиддинов, М.Муродов, Н.Чипев, А.Агалиев, Ф.Абдусалимов, А.Ибрагимов.

«Пахтакор»: А.Лобанов, А.Мерзляков, Е.Кримец, А.Ораховац, Д.Ҳошимов, А.Исматуллаев, В.Козак, С.Андреев, Ш.Каримов, И.Сергеев (Ж.Машарипов, 85), Б.Пардаев (А.Солиев, 57).

Огоҳлантиришлар: М.Фомин 20, К.Шарофиддинов 90 - Д.Ҳошимов 32, А.Ораховац 88.