“Бухоро” дастлабки йиғинни Тошкентда бошлайди
02 дек 2015 11:04
Янгиликлар

“Бухоро” дастлабки йиғинни Тошкентда бошлайди

Теглар : Бухоро

Бу йилги чемпионатни 14-ўринда якунлаган “Бухоро” энди келаси йил юқори ўринлар учун курашмоқчи. Айтишларича вилоят ҳокими клуб олдига катта мақсадларни вазифа қилиб белгилаб бериш арафасида.

Бош мураббийнинг айтишича, жамоа 14 декабрь куни Тошкентда йиғилада ва шу куни футболчилар тиббий кўрикдан ўтади. Янги мавсумга дастлабки йиғин айнан пойтахтда кечадиган бўлди. Таркибда ҳозирча расмий ўзгаришлар йўқ ҳисоби. Саидовнинг айтишича энг аввало бу йилги таркибни сақлаб қолиш кўзланган асосий вазифалардан биридир. Шу боис расман жамоа билан хайрлашган футболчилар ҳозирча йўқ. Таркибга янги келиб қўшилиши мумкин бўлган ўйинчилар номи ҳам аниқ бўлиб улгурмади. Кимларнинг келиб қўшилиши эса кўпроқ жамоа олдига аниқ вазифа қўйилганидан сўнггина маълум бўлади. Агарда медаллар учун курашиш мақсад қилинса, шунга монанд юқори савиядаги ўйинчилар таклиф этилиши кўзда тутилган.

Ҳавола :

Манба : championat.asia

Янгиликларни Телеграмда ўқинг!

Рейтинг: +4