“Бунёдкор” БААга жўнаб кетди

Тошкентнинг “Бунёдкор” жамоаси 2015 йилги футбол мавсумини бошқаларга қараганда анча барвақт бошлайди. “Қалдирғочлар” 17 февраль куни Осиё Чемпионлар лигаси гуруҳ босқичига йўлланма олиш учун БААнинг “Ал-Жазира” клубини қабул қиладилар.

Шу боисдан ҳам “Бунёдкор” Ўзбекистон клублари ичида биринчи бўлиб хориж йиғинига йўл олди. Сергей Лушан шогирдлари 5-17 январь кунлари Дубайда ташкил этиладиган ўқув-машғулот йиғинида иштирок этишади. Ушбу йиғин доирасида бир неча ўртоқлик учрашувлари ўтказилиши режалаштирилган.

БААдаги йиғинда қуйидаги футболчилар иштирок этишади:
Дарвозабонлар – Павел Бугало, Муроджон Зухуров, Абдукарим Муҳаммедов
Ҳимоячилар – Хайрулла Каримов, Артём Филипосян, Иван Милошевич, Рустам Ашурматов, Камронбей Кападзе, Обид Жўрабоев, Дилёрбек Эрматов, Акрамжон Комилов, Ҳасан Асқаров
Ярим ҳимоячилар – Дилшод Жўраев, Шакер Зуаги, Минори Сато, Мирзохид Ғофуров, Достон Абдураҳмонов, Самир Бекрич, Достонбек Ҳамдамов, Миржамол Қосимов, Отабек Шукуров
Ҳужумчилар – Анвар Бердиев, Забихилло Ўринбоев, Элдор Шомуродов, Темур Аюпов

Ярим ҳимоячи Сардор Собирхўжаев Тошкентда қолиб, тикланиш машқларини бажармоқда. Акбар Тўраев, Акмал Шораҳмедов, Сардор Рашидов ва Воҳид Шодиев Ўзбекистон миллий терма жамоаси билан Осиё кубогида иштирок этишмоқда.