UZ

Сўнгги янгиликлар

16:30Хаби Алонсо "Байер"дан Мадридга асосий ҳимоячисини олиб кетади  4 16:02Салиба жароҳати сабаб Миллатлар Лигаси финал босқичини ўтказиб юборади  6 15:35"Барселона" "Вест Хэм" ва Бундеслигада ишлаган топ-менежер билан музокаралар ўтказмоқда  0 15:08УEФА Евро-2028 мезбонларига гуруҳ босқичидан жой кафолатламайди  1 14:40Роналдиньо ўзини Месси ва Ямаль билан қиёслади  25 14:14Сергей Чигодаев: "CAFA U-17 – ўсмирлар ўртасидаги Осиё Кубогининг мини-версияси. Мақсадимиз – шу ёшдаги энг яхши футболчиларни саралаб олиш"  4 13:41Карвахаль Трент билан рақобат ҳақида гапирди  1 13:13Ямалнинг иш ҳақи оширилади. У "Барса"да энг кўп маош оладиган футболчилар учлигига киради  4 12:46"Олтин тўп"га даъвогарларнинг янгиланган рейтинги эълон қилинди. Ким фаворит?  20 12:15Гвардиола Де Брюйненинг хайрлашув ўйини ҳақида: "Кевин сотиб олиб бўлмайдиган чексиз муҳаббатга эришди"  2 11:48"Ал Иттиҳод"нинг асосий трансфер мақсади аниқ: Клуб АПЛ юлдузи учун 120 млн евро тўламоқчи  0 11:20Гарначо: "Финалгача ҳар босқичда майдонга тушдим, жамоага ёрдам бердим ва бу ўйинда 20 дақиқа ўйнадим..."  13 10:58Варди фаолиятини АПЛнинг бошқа жамоасида давом эттириши мумкин  1 10:31МЮ барча даврларнинг антирекордини такрорлади  12 10:05Сон Хён Мин илк совринини қўлга киритганидан сўнг йиғлаб юборди  9

"Бунёдкор" — АГМК учрашуви превьюси Янгиликлар

"Бунёдкор" — АГМК учрашуви превьюси

Теглар :  "Бунёдкор"АГМК
АГМК матбуот хизмати Суперлиганинг 22-тури доирасидаги "Бунёдкор" - АГМК учрашувига бағишланган превьюни тақдим этди.

Ўзбекистон Кубоги ярим финалида кетма-кет йил мағлуб этилган "Бунёдкор" Суперлиганинг навбатдаги турида яна жамоамизга рақиблик қилади. 

Бўлажак ўйин ушбу жамоаларнинг ўзаро умумий ҳисобдаги 31-учрашувига айланади. АГМК ва "Бунёдкор" қарама-қаршилиги тарихига назар соладиган бўлсак, ўтказилган ўйинларда 5 маротаба жамоамиз ғалабани тантана қилган, 6 бор дуранг қайд этилган ва 19 марта "Бунёдкор" ғалаба қозонган. Тўплар нисбати ҳам "қалдирғочлар" фойдасида: 61-31.

Жорий мавсум ҳисобидан мазкур ўйин ушбу жамоаларнинг тўртинчи беллашувига айланади. Қизиғи, "Бунёдкор" ва АГМК жорий мавсумда учта фронтда ҳам ўзаро тўқнаш келди. Дастлаб чемпионат доирасида ўтган Олмалиқдаги баҳсда собиқ футболчимиз Лутфулло Тўраевнинг голи "Бунёдкор"га ғалаба келтирган бўлса, Лига кубоги ва Ўзбекистон кубогида АГМК "қалдирғочлар"ни доғда қолдиришни уддалади. 

Айни пайтда Суперлига турнир жадвалида "Бунёдкор" 35 очко тўплаган ҳолда 3-ўринни эгаллаб турибди. АГМК ҳисобида эса 22 очко мавжуд ва жамоамиз 10-поғонада.

Мазкур ўйинни бошқариб бориш масъулияти ёш ҳакам Акобир Шукуруллаев зиммасига юкланди. Эътиборлиси, Акобир Шукуруллаев жорий мавсум ҳисобидан иккинчи бор айнан мазкур жамоалар иштирокидаги ўйинда ишлайди. Бунга қадар Лига Кубоги доирасидаги АГМК - "Бунёдкор" учрашувини ҳам бошқарганди.

Умумий ҳисобда эса Акобир Шукуруллаев жамоамизнинг 5-учрашувида ҳакамлик қилади. Ўтган йили "Локомотив" ҳамда "Қизилқум"га қарши ўйинларда ишлаган Шукуруллаев, жорий мавсум "Бунёдкор" ҳамда "Оқ-тепа" билан бўлган баҳсларни бошқарди. АГМК Акобир Шукуруллаев бошқарган учрашувларда қуйидаги натижаларни қайд этган: 3 ғалаба ва 1 мағлубият.

Суперлиганинг 22-тури доирасидаги "Бунёдкор" - АГМК ўртасидаги ўйин Тошкентдаги "Бунёдкор" ўйингоҳида 18 октябрь куни соат 17:30да бошланади. Бир кун аввал, яъни 17 октябрь куни  соат 17:00да "Бунёдкор" академияси майдонида эса Ёшлар биринчилиги доирасида "Бунёдкор" ва АГМК ёшлари (U21)  ўзаро баҳс олиб боришади.

Coca Cola Суперлига, 22-тур

18 октябрь

“Бунёдкор” – АГМК

Ҳакамлар: Акобир Шукуруллаев, Руслан Серазетдинов, Андрей Цапенко, Раҳимбек Каримов

Назоратчи: Сайфиддин Эрматов

Комиссар: Диёр Имомхўжаев

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика