Бугун футбол. "Сурхон" - "Пахтакор"

"Пахтакор" Термизда "Сурхон" меҳмони бўлади. Ўйин 16:15да бошланади. Турнир жадвалида "Пахтакор" 9 очко билан биринчи ўринда кетяпти. Жамоа учта ўйиннинг барчасини ғалаба билан якунлади. Тўплар нисбати 7-3. 

Суперлига дебютанти "Сурхон" эса мусобақа жадвалида 7 очко билан учинчи ўринни эгаллаб турибди. Жамоа бунгача ўтказилган учта ўйиндан иккитасини ғалаба билан тугатди ва бир бор дуранг ўйнади. Сурхон мағлуб этган жамоалар: "Динамо" (1:0) ва "Сўғдиёна" (3:0). Термизликларнинг айниқса Жиззахда зафар қучиши кўпчиликни ҳайрон қолдирди. 

Мавсумни "Локомотив"га қарши баҳс билан бошлаган "Пахтакор" 3:1 ҳисобида ғалабага эришди. Шундан кейин "Бунёдкор"дан 2:1 ҳисобида устун келди ва ўтган турда "Насаф"ни ҳам 2:1 ҳисобида мағлуб этди. Умуман олганда, "Пахтакор" бу йил яхши ўйин кўрсатяпти. Лекин шуниси борки, жамоа ҳар ўйинда гол ўтказяпти. "Сурхон" эса ҳозирча ўз дарвозасидан фақат бир марта гол ўтказиб юборган. 

Бугунги ўйинда имкониятлар ҳақида нима дейиш мумкин? Албатта, "Пахтакор" кучли ва ўзига яраша тажрибали жамоа. Лекин "Сурхон" ҳам сира бўша келаётгани йўқ. Жамоа дебютант бўлишига қарамай ҳаммани ўзига қаратишда давом этяпти ва ўз таркини бир нечта маҳоратли футболчилар билан тўлдириб олган. Бугун Термизда стадион мухлислар билан лиқ тўлиши кутилмоқда. Албатта, ўйин ҳам шунга яраша шиддатли кечишига шубҳа йўқ.