Бугун футбол. "Пахтакор" - "Бухоро"

Олий лига. 10-тур. 12 май
«Пахтакор» (Тошкент) – «Бухоро» (Бухоро)
Ҳакамлар: В. Агишев (Тошкент), А. Усмонов (Тошкент), Т. Гайнулин (Тошкент), И. Гармашов (Тошкент).
Назоратчи: С. Нажафалиев (Тошкент).
ЎзПФЛ вакили: Г. Ртвеладзе.

Ўйиндан нима кутяпмиз? Кетма-кет уч учрашувдан бери мағлуб бўлмаган "Бухоро" бу гал охирги пайтларда иши бир юришиб бир юришмаётган "Пахтакор" меҳмони бўлади. Албатта, клубдаги ўзгаришлардан сўнг "Пахтакор" ҳар бир учрашувда ғалаба қозонишга ҳаракат қилиши шубҳасиз. Лекин ўз навбатида "Бухоро" ҳам қараб турмайди, чунки очко ҳаммага керак.

Факт: Турнир жадвалида 10-ўринда бораётган "Пахтакор" бугун ўз майдонида олтинчи учрашувини ўтказади. Аввалги бешта баҳснинг учтасида ғалаба қозонган жамоа икки бор мағлуб бўлган. Тўплар нисбати 6-4. "Пахтакор" ўз уйида ҳали дуранг қайд этмаган.

Факт: "Бухоро" сафар ўйинларида икки бор зафар қучиб, икки марта мағлуб бўлган. "Бухоро" сафарда ҳали дуранг ўйнамаган. Тўплар нисбати 5-6.

Биласизми? "Пахтакор"нинг учала ғалабаси ҳам уйдаги ўйинларда қўлга киритилган. Жамоа ўз майдонида "Қизилқум", "Металлург" ва "Навбаҳор"дан устун келган.

Тарихга назар: "Пахтакор" стадионида бўлиб ўтган охирги уч ўйиннинг иккитасида мезбонлар меҳмонларни мағлуб этишган. Ўтган йил кечган беллашувда эса 1:1 ҳисоби қайд этилган.

Тошкентдаги охирги уч ўйин

13.08.2016
"Пахтакор" - "Бухоро" - 1:1

03.04.2015
"Пахтакор" - "Бухоро" - 3:1

29.10.2014
"Пахтакор" - "Бухоро" - 4:0