Бугун футбол. "Навбаҳор" - "Бухоро"

Иккала жамоа ҳам кучли олтиликка кириб олган ва турнир жадвалида кетма-кет ўринларни эгаллаб турибди. Хусусан "Навбаҳор" ҳисобида 34 очко бор ва 4-ўринда кетяпти. "Бухоро" эса 32 очко билан 5-ўринда бормоқда.

"Навбаҳор" ўз майдонида қандай ўйин намойиш этишини ҳамма билади. Жамоа анчадан бери уйида мағлуб бўлмай келмоқда. Бу йил ҳисобидан "Навбаҳор" уйда 10та ўйин ўтказиб, шундан 8тасида ғалаба қозонди ва икки бор дуранг ўйнади. Тўплар нисбати 18-2.

Лекин бугунги беллашувда меҳмонлар ҳам қараб турмаса керак. Чунки биринчи давра ўйинида бу жамоа "Навбаҳор"га ютқазиб қўйганди. 10-тур учрашувида "Навбаҳор" сафарда "Бухоро"ни 1:0 ҳисобида мағлуб этиб қайтганди. Шу боис бугун бухороликлар ўша мағлубият аламини олишга ҳаракат қилиб кўришади.

"Бухоро" ҳозирча сафарда фақат учта ўйинни ютди. Улуғбек Бақоев шогирдлари сафар ўйинларида "Нефтчи", "Қўқон-1912", "Қизилқум" клубларини мағлуб этиб қайтишди. Шунингдек, еттита ўйинда мағлубиятга учрашган. "Бухоро" сафар ўйинларида ҳали дуранг ўйнамаган. Тўплар нисбати 8-19.