Бугун футбол. "Локомотив" - "Машъал"

Турнир жадвалида "Локо" 12 очко билан 8-ўринни эгаллаб турибди. Тўплар нисбати 11-11. "Машъал" эса 6 очко тўплаб 11-ўринда бормоқда ва бу жамоанинг тўплар нисбати 6-10. 

Карантиндан сўнг дастлабки 3та баҳсда имкониятни бой берган "Локомотив" охирги икки учрашувни ғалаба билан якунлади. "Темирйўлчилар" дастлаб "Қизилқум"ни 3:0, сўнгра "Сурхон"ни 2:1 ҳисобида мағлуб этишди. Умуман олганда мавсум бошидан бери "Локо" 4та ўйинда ғалаба қозонган ва барча ғалабалар уйдаги баҳсларда қўлга киритилган. 

Икки йиллик танаффусдан сўнг яна Суперлигага қайтган "Машъал" ҳозирча бир марта ғалабага эришди. Муборакликлар илк турда "Сўғдиёна"ни 3:0 ҳисобида мағлуб этишганди. Шундан бери ўтказилган 7та ўйиннинг ҳеч бирида "газчилар" зафар қуча олишмади: 3 дуранг, 4 мағлубият. 

Биласизми? "Машъал" қаторасига охирги учта баҳсда имкониятни бой берди. Бу мағлубиятлар АГМК, "Қўқон-1912" ҳамда "Пахтакор" билан кузатилди. Шунингдек, "Машъал" охирги 4та ўйиндан бери гол ура олмаяпти. 

Факт: Жамоалар шу пайтгача ўзаро 24та ўйин ўтказган бўлиб, шундан 13тасида "Локомотив", 9тасида "Машъал"нинг қўли баланд келган.

P.S. Соат 19:00да бошланадиган учрашувни "Спорт" ТВ орқали тўғридан тўғри кузатиб боринг.

Локомотив

Суперлига. 9-тур 14/07/2020, 19:00 1 : 0 Тугади

Машъал Нажмиддин Нормуродов - 71'

45'

90'

20'  Кахи Махарадзе

43'  Фаррух Иброҳимов

46'  Даврон Умиров (Вадим Афонин)

50'  Шаҳзод Шайманов

63'  Вадим Афонин

68'  Авазбек Ўлмасалиев (Ойбек Қиличев)

68'  Шуҳрат Муҳаммадиев (Жавоҳир Алижонов)

77'  Шаҳзод Шайманов (Камрон Саидазимов)

77'  Кирилл Погребняк (Иброҳим Ғанихонов)

22'  Никита Павленко

66'  Ифеанйи Ифеанйи (Мўмин Мелиев)

71'  Нажмиддин Нормуродов

77'  Никита Павленко (Иброҳим Нўъмонов)

80'  Элла Кен Арман (Аҳроржон Иноятов)

Матч-центрда очиш