Бугун футбол. "Бухоро" - "Навбаҳор"

“Бухоро” (Бухоро) – “Навбаҳор” (Наманган)
Ҳакамлар: Т. Тўхтасинов (Андижон), З. Абдураҳмонов (Андижон), А. Маражабов (Андижон), И. Худайдатов (Тошкент)
Назоратчи: О. Дачев (Тошкент)
ЎзПФЛ вакили: А. Фролов

Жадвалдаги ўрни: "Бухоро" 4-ўринда (16 очко), "Навбаҳор" 5-ўринда (16 очко).

Ўйиндан нима кутяпмиз? Жадвалда бир хил очкога эга жамоаларнинг ўзаро баҳси. Бугун Бухорода мухлислар қизиқарли ўйин гувоҳи бўлса ажаб эмас. Имкониятлар борасида майдон эгаларини бироз устун дея оламиз. Қолаверса, "Бухоро"нинг ўйини "Навбаҳор"га нисбатан бирмунча кучли.

Факт: "Бухоро" шу пайтгача уйда фақат бир марта мағлуб бўлиб, учта беллашувда ғалаба қозонган. Шунингдек бир бор дуранг ўйнаган. Тўплар нисбати 8-3. "Бухоро" ўз майдонида "Олмалиқ", "Нефтчи" ва "Шўртан"дан устун келган. Қизиғи шундаки, "Бухоро" ютган ўйинларда гол ўтказмаган.  

Биласизми? "Бухоро" ўз майдонидаги ягона мағлубиятни 3-турда "Обод"дан қабул қилиб олган. Лекин ҳозир "Обод" қаерда-ю, "Бухоро" қаёқда...

Факт: "Навбаҳор"нинг сафардаги ишлари бир юришиб бир юришмаяпти. Жамоа ҳозиргача тўртта ўйин ўтказган бўлса, шундан фақат биттасида ғолиб чиққан. Самарқандда "Динамо" 1:0 ҳисобида мағлуб этилган. Сафар ўйинларида тўплар нисбати 2-3.

Биласизми? "Навбаҳор" сафардаги охирги икки ўйинида тўп кирита олмади. Бундан ташқари, бу жамоа кетма-кет учта учрашувдан бери ғалаба қозона олмаяпти.