Бразилия ЖЧ саралашида 5-ўринни эгаллади – бу тарихидаги энг ёмон натижа
10 сен 12:15
Янгиликлар

Бразилия ЖЧ саралашида 5-ўринни эгаллади – бу тарихидаги энг ёмон натижа

Бразилия терма жамоаси ЖЧ-2026 саралаш босқичида 5-ўринни эгаллади.

"Селесао" Жанубий Америкадаги ЖЧ-2026 саралаш босқичида 18та ўйинда 28 очко тўплади (51% – 10та жамоа форматидаги олтита саралаш турнирида улар учун антирекорд) ва финал босқичига чиқди.

Бунга қадар Бразилиянинг энг ёмон натижаси ЖЧ-2002 саралашидаги учинчи ўрин бўлиб, ўша турнирда улар бош совринни боши узра кўтаришган эди.

Пентакампионлар тўрт марта саралаш турнирларида биринчи ўринларни эгаллаган (ЖЧ-2006, ЖЧ-2010, ЖЧ-2018, ЖЧ-2022).

Бразилия ЖЧ-1998 саралашида амалдаги чемпион сифатида ва ЖЧ-2014 саралашида турнир мезбони сифатида иштирок этмаган.

ЖЧ-2026 саралаши жараёнида жамоани Фернандо Диниз ва Доривал Жуниор бошқарган, бу йилнинг май ойида эса "селесао" бош мураббийлигига Карло Анчелотти тайинланган эди.

Ҳавола :

Манба : Globo

Янгиликларни Телеграмда ўқинг!

Рейтинг: +5