Бобур Амонов қачон яшил майдонга қайтади?

Шу боис у ҳақда суриштирувларимиз натижаси шуниси кўрсатдики, 31 ёшли футболчи жарохат сабаб ўйиндан ташқари холатда қолиб кетган. Яқинда Бобурнинг ўзи билан суҳбатлашиб, хол аҳволини сўраганимизда қуйидагиларни маълум қилди.

- Очиғини айтганда, ўтган мавсумни жарохат билан ўтказишга мажбур бўлдим. Шунинг учун мавсум якунлангач, аниқроғи декабр ойида операция столига ётишга мажбур бўлдим. Оёғимни 50 фоиз тизза пойи йиртилганди. Шуни бутунлай тузатиш мақсадида операция қилдирдим. Худога шукур ҳозир анча яхшиман. Бир ойдан буён ўзим якка тартибда югуришни бошладим. Насиб қилса августдан яна катта футбол ўйнашни бошлайман.

- Тўғриси ҳозир ҳеч бир жамоа билан амалда шартномам йўқ. “Бухоро” билан ҳам алоқам деярли йўқ ҳисоби. Жарохат олган футболчи ҳеч кимга керак бўлмай қоларкан. Кеча қанчалик кўп жамоага фойда келтирманг, бугун жарохат олсангиз ҳамма сизни унитади. Ҳеч кимдан ҳафа эмасман. Ризқни Аллоҳ бергувчидир – дейди Бобур Амонов.