"Бенфика" устози "Ливерпул"га қарши ўйин олдидан: "Биз юқори савияда ҳимояланишимиз керак"
05 апр 2022 20:43
Янгиликлар

"Бенфика" устози "Ливерпул"га қарши ўйин олдидан: "Биз юқори савияда ҳимояланишимиз керак"

"Бенфика" бош мураббийи Нельсон Вериссимо "Ливерпул"га қарши Чемпионлар Лигаси 1/4 финали доирасидаги дастлабки ўйин олдидан фикрлари билан ўртоқлашди.

"Ливерпуль" кўплаб ўйинчилар танловига эга ва жамоавий тарзда яхши ўйнайди. Шунингдек, уларда ажойиб мураббий ҳам бор. Буларнинг барчаси иккала учрашувда ҳам юқори савияда ўйнашимиз кераклигини кўрсатмоқда.
Бу қийин қарама-қаршилик бўлади, лекин "Аякс" билан ўйинлардан олдин айтганимдек, жамоаларнинг имкониятлари деярли тенг. Биз "Ливерпул"нинг кучли томонларига дош бера олишимиз мумкин. Ҳар қандай жамоа сингари уларнинг ҳам заиф томонлари бор, фақат бундан фойдаланиб қолишимиз лозим.
Биз юқори савияда ҳимояланишимиз керак. Бу осон бўлмайди, лекин биз курашишга ҳаракат қиламиз. Мухлислар бизни илҳомлантиришига умид қиламиз”, – деди Вериссимо.

"Бенфика" – "Ливерпуль" баҳси бугун 23:59 да бошланиши режалаштирилган.

Ҳавола :

Манба : slbenfica.pt

Янгиликларни Телеграмда ўқинг!

Рейтинг: +1