"Бавария" Emirates билан 7 йиллик шартнома имзолади

Мюнхен клуби ва Emirates авиакомпанияси 2031/32-йилги мавсум охиригача бўлган узоқ муддатли келишувни имзолади.

Ҳамкорлик, аввало, Бундеслиганинг барча ўйинлари давомида "Альянс Арена" стадиони атрофида реклама жойлаштириш имконини беради. Шунингдек, иккала компаниянинг ижтимоий тармоқлари ва рақамли каналларида қўшма тадбирлар ўтказиш ҳам режалаштирилган.

Бундан ташқари, келажакда "Бавария", Яқин Шарқ ёки Осиёга узоқ масофали парвозлар учун Emirates самолётларидан фойдаланиши мумкин бўлади.

Bild нашрининг хабар беришича, келишув шартларига кўра, клубнинг йиллик даромади 5 миллион еврони ташкил этади.