UZ

Сўнгги янгиликлар

22:40"Галатасарой" — "Ризеспор". Таркиблар маълум  4 22:37Гарначо 40 млн фунт эвазига янги клубига ўтди  1 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  6 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  6 21:55CAFA Nations Cup-2025. Ўзбекистон — Ўмон 1:1   19 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  360 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11 20:57БАА Лига кубоги. "Ал Наср" ва "Ал Батаэҳ" 1/8 финалнинг илк ўйинида ўзаро дуранг ўйнади, Ғаниев ўйинда тўлиқ ҳаракат қилди  2 20:40"Аугсбург" — "Бавария". Таркиблар маълум  1 20:25"Вестерло" — "Антверпен". Таркиблар маълум  0 19:57"Барса" 17 ёшли озарбайжонлик футболчи билан шартнома имзолади  5 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  28 17:52"Ньюкасл" 85+5 млн евро эвазига ҳужумчи харид қилди?!  11

Баҳром Ҳайдаров: "Сурхон" мавсумни камида 10-ўринда якунлашни мақсад қилган" Янгиликлар

Баҳром Ҳайдаров: "Сурхон" мавсумни камида 10-ўринда якунлашни мақсад қилган"

Coca-Cola Суперлиганинг 16-туридан ўрин олган "Қўқон-1912" - "Сурхон" (2:0) учрашувидан сўнг меҳмонлар бош мураббийи Баҳром Ҳайдаров матбуот анжуманида иштирок этди.





- Биринчидан ўйиннинг 17:00 да бошланиши футбол ўйнаш учун қулай бўлмади, ҳали бир оз иссиқ экан. Биринчи бўлимда бу холат ҳар икки жамоага ҳам таъсир кўрсатди, деб ўйлайман. Жамоамиз мезбонларга нисбатан дастлабки бўлимда сустроқ ҳаракат қилди.

"Қўқон-1912" бош мураббийи ҳужумга бўйдор икки нафар футболчини туширди. Голлар стандарт холатдан ва футболчини яхши қўриқлай олмаганимиз, шунингдек, қарши ҳужум оқибатида урилди. Иккинчи бўлимда вазиятларимиз бўлди. Балки мезбонлар ҳисобдан келиб чиқиб ўйинни пасайтиришгандир, лекин иккинчи бўлимда жамоамиз кўпроқ устунликка ҳам эга бўлди, деб ўйлайман. 

- Жамоа номини чегара худуддан келиб чиқиб ўзгартириш ва шу орқали ҳомий жалб этиш мумкинми?

- Бу нарсани мен ҳал қилмайман. Ҳозирда жамоанинг ҳомийси бор, молиявий жиҳатдан имконияти юқори бўлган ташкилот. Бизда ҳомийлик борасида муаммо йўқ. Сиз айтган вариант бўйича бошқа жамоа тузиш мумкиндир, буни билмадим. Айтиб ўтганимдек, бу менинг ваколатим доирасидаги вазифа эмас.

- Жасур Холтўраев ва Никита Павленколарнинг ўйини чиқмаганига нима сабаб деб ўйлайсиз?

- Ҳозир бу вазият бўйича фикр билдириш қийин. Улар билан гаплашиб оламиз. Балки биз уларни ўйинга нотўғри тайёрлагандирмиз. Таҳлил қиламиз, бизда Бобожоновни асосий таркибда тушириш варианти ҳам бор эди. Айтиб ўтганимдек, ҳозир бирон фикр билдириш қийин. Балки иссиқ об-ҳаво таъсир кўрсатгандир.

- Фикрингизча, қайси жамоалар Суперлигадан тушиб кетади?

- Бу саволга жавоб бериш қийин. Олдинда 10 та тур бор ва вазият тубдан ўзгариб кетиши мумкин. Агар бугун ютганимизда, биласизми, 9-ўринга чиқиб олардик. Жадвалнинг қуйи қисмидан анча узоқлашиб кетардик. 

Ҳаракат қиламиз, вазифамиз мавсумни камида 10-ўринда якунлаш. Ким тушиб кетади, буни Худо билади. Футболни охиригача ўйнаш керак.

- Таркибга Сурхондарё вилоятидан ёш футболчилар жалб этилаяптими?

- Албатта, биринчи давра мобайнида кўплаб ёшлар биз билан машғулотларни ўташди. Ҳозирда уларни ёшлар жамоаларимизга берганмиз.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика