Баҳодир Насимов: "Қозоғистон чемпионатидан ҳам таклифлар бўлмоқда"
11 янв 2016 10:30
Янгиликлар

Баҳодир Насимов: "Қозоғистон чемпионатидан ҳам таклифлар бўлмоқда"

Тошкентнинг "Бунёдкор" жамоаси машғулотларида иштирок этаётган Баҳодир Насимов назорат баҳсида "Олмалиқ" дарвозасини икки маротаба аниқ нишонга олди.

- Ўртоқлик ўйинларида гол уриш унчалик катта аҳамиятга эга эмас. Асосийси - расмий баҳсларда тўп киритиш. Бугунги учрашувда дубль қайд этганим ҳеч нимани англатмайди. Назорат баҳслари орқали мураббийлар футболчиларни имкониятларини кўриб олишади ва бу каби учрашувлар расмий ўйинлар учун яхши тайёргарлик вазифасини ўтаб беради. "Бунёдкор"даги футболчилар билан тил топишиш қийин бўлмаяпти. Бу ердаги кўпчилик футболчилар билан аввалдан танишмиз. Бу борада муаммо йўқ. Жамоа билан ҳали расман шартнома имзолаганим йўқ. Бу ҳақида клуб вакиллари гапиришмоқда. Агарда келиша олсак, тез орада шартнома имзолашимиз мумкин. Буёғини клуб раҳбарияти ҳал этади. Шунингдек яна бир қатор жамоалардан таклифлар тушмоқда. Қозоғистон чемпионати жамоасидан ҳам таклиф бўлмоқда. Худо хоҳласа буёғини энди вақт кўрсатади.

Ҳавола :

Манба : championat.asia

Янгиликларни Телеграмда ўқинг!

Рейтинг: +2