Австралия U-20 термаси бош мураббийи: "Мақсадимиз – Жаҳон чемпионатига йўл олиш"

- Жамоа эртанги ўйинга қандай тайёргарлик кўрди?

- Биз Ўзбекистонга ўтган ҳафта келган эдик, Тошкентда бизга машғулот учун ажойиб шароит яратиб беришди. Бугун эртанги ўйин бўлиб ўтадиган майдонга чиқдик ва бўлажак ўйинга тайёрмиз.

- Тошкентга келишдан олдин ўқув машғулот йиғинлари ва ўртоқлик учрашувлари ўтказдингизми?

- Ҳа, йиғин ўтказдик, лекин ўртоқлик учрашувларида қатнашмадик.

- Жорий мусобақада олдингизга қўйган мақсадларингиз қандай ва ўйинчилар турнирга қандай тайёргарлик кўришди?

- Албатта, мақсадимиз – ҳар бир учрашувда ғалаба қозониш, бу якуний мусобақа ва ушбу турнир биз учун жуда муҳим.

- Нима деб ўйлайсиз, рақиб жамоанинг қандай устунликлари ва кучсиз томонлари бор?

- Биринчи учрашувда анча кучли рақиб бизни кутиб турибди. Вьетнам терма жамоасини бир неча ой олдин ўрганишни бошлаган эдик. Вьетнам мураббийи анча тажрибали ва футболчилари ҳам кучли техникага эга.

- Австралияда жароҳат сабаб мусобақада иштирок эта олмайдиган ўйинчилар борми?

- Йўқ, жамоада жароҳат олганлар йўқ.

- Ушбу мусобақа Жаҳон чемпионатига йўлланма беради ва шунинг учун ушбу мусобақа катта аҳамиятга эга, турнир муҳимлиги футболчиларга қандай таъсир ўтказди?

- Бу турнир биз учун муҳим ва бутун Осиё минтақасидаги жамоалар ҳам ушбу мусобақага пухта тайёргарлик кўришган, мақсадимиз – Жаҳон чемпионати йўлланмасини қўлга киритиш.

"B" гуруҳида жойлашган термалар Австралия ҳамда Вьетнам ўртасидаги учрашув эртага Фарғонадаги "Истиқлол" стадионида 15:00 да старт олади.