Асрор Алиқулов: "Ҳеч қайси жамоа очко йўқотмайди деб кафолатланмаган"
13 авг 2023 23:10
Янгиликлар

Асрор Алиқулов: "Ҳеч қайси жамоа очко йўқотмайди деб кафолатланмаган"

Про-лига 12-туридан ўрин олган "Динамо" - "Машъал" (2:0) учрашувидан сўнг меҳмонлар бош мураббийи Асрор Алиқулов матбуот анжуманида иштирок этди.

Ўйин ҳақида

- Гол ўтказиб юборганимиздан сўнг вазиятни ўнглаш учун олдинга интилдик. Вазиятлар яратдик, голга тортадиган қулай имкониятларимиз ҳам бўлди. Афсус, ўйин охирида узоқ масофадан берилган зарбадан сўнг иккинчи тўпни ўтказиб юбордик. Битта тўп фарқи билан ютқазаётган вақтимизда вазиятларимизни голга айланганида балки очко билан қайтишимиз мумкин эди.

- Жамоа сизнинг қўл остингизда икки Суперлигага даъвогар клуб - "Динамо" ва "Қўқон-1912" билан ўйнади. Ушбу ўйинлардан қандай хулосалар олдингиз?

- Бизга стабиллик керак. Таркибида кучли футболчилар жам бўлган клублар билан ўйнадик. Мен ҳозир жамоада янги мураббийман, таркибни тўлиқ ўрганиб, имкониятларни чамалаб олиш учун вақт керак.

- Кетма-кет 2 мағлубиятдан сўнг жамоани Суперлигага чиқиш имкониятларини қандай баҳолайсиз?

- Албатта, охиригача курашамиз. Олдинда имкониятларимиз бўлади. Ҳеч қайси жамоа очко йўқотмайди деб кафолатланмаган. Ҳозир осон ўйинларнинг ўзи йўқ. Олдимизда Суперлига вазифаси бор, охиригача ҳаракат қиламиз.

Ҳавола :

Манба : championat.asia

Янгиликларни Телеграмда ўқинг!

Рейтинг: