Ашурматов ва Раҳмоналиев Дзюба билан бир жамоада ўйнаши мумкин

Маълумотларга кўра, Қозон клуби РПЛга қайтиши билан форвардни ўз сафига қўшиб олишни режа қиляпти.

"Рубин" қишда ҳам Дзюбага қизиққан эди, аммо футболчининг ўзи МФЛ (иккинчи даражал лига)да ўйнашни хоҳламади. Энди клуб уни янги мавсумда жамоа етакчисига айлантирмоқчи.

Бундан ташқари, "Рубин" футболчининг машҳурлигини ҳисобга олиб, уй учрашувларида стадион мухлислар билан тўлишига умид қиляпти. Қозонликлар ҳужумчига "1+1" схемаси бўйича йиллик маоши 1,5 млн. евро бўлган битим таклиф қилмоқчи.

Эслатиб ўтамиз, айни дамда "Рубин" шарафини икки ўзбекистонлик Рустам Ашурматов ва Умарали Раҳмоналиевлар ҳимоя қилишмоқда.