Антонио Конте "Интер"ни тарк этади(ми)?
03 авг 2020 00:40
Янгиликлар

Антонио Конте "Интер"ни тарк этади(ми)?

"Интер" бош мураббийи Антонио Конте Италия клубини тарк этиши мумкин.

Хабар беришларича, 51 ёшли мутахассиснинг клуб раҳбарияти билан муносабатлари бузилган. Конте "Интер" раҳбариятини танқид қилиб, ўз ўйинчиларини ҳимоя қила олмаётганликда айблади.

Яқин кунларда Конте "Интер" клуби бош директори Жузеппе Маротта билан учрашади. Агар мураббий клубнинг кейинги режаларидан қониқмаса, лавозимини тарк этиши мумкин.

Антонио Конте "Интер" жамоаси бошқарувини 2019 йилнинг ёзида ўз қўлига олганди. Милан клуби унинг бошчилигида 2019/2020 йилги мавсум Италия чемпионатида "Ювентус"дан бир очко ортда қолиб, 2-ўринни эгаллади.

Ҳавола :

Манба : La Gazzetta dello Sport

Янгиликларни Телеграмда ўқинг!

Рейтинг: +9