Англия терма жамоаси бош мураббийи лавозимига 3 нафар номзод эълон қилинди

Англия футбол ассоcиаcияси аргентиналик Маурисио Почеттино, германиялик Томас Тухель ва шимолий ирландиялик Брендан Рожерс номзодларини кўриб чиқишга тайёр, деб хабар бермоқда "The Guardian". Англия терма жамоаси бош мураббийи лавозими эса ҳали бўш эмас.

Бироқ Гарет Саутгейтнинг истеъфоси эҳтимоли бор. ЖЧ-2022 чорак финалида тўхташ Англия учун орқага қадам сифатида баҳоланиши мумкин. Негаки, Саутгейт бунгача "уч шерлар”ни Евро-2020 финали ва ЖЧ-2018 ярим финалига олиб чиққанди. Бу йил эса англияликлар нафақат катта турнирда кучли тўртликка кира олишмади, балки Миллатлар Лигасида иккинчи дивизионга тушиб кетишди.

Эслатиб ўтамиз, Англия термасига аввалроқ икки нафар хорижлик – швециялик Свен-Ёран Эрикссон ва италиялик Фабио Капелло мураббийлик қилган.