Андрей Микляев: "Сафардаги 0:0 ҳисоби ҳеч нимани англатмайди"

"Барчага ҳайрли кун. Сафарда 0:0 ҳисобида дуранг ўйнаганимиз ҳеч нимани англатмайди. Эртага жавоб баҳси бўлади, шу боис ундан кейин ҳеч нимани ўзгартиришга имкон бўлмайди. Имкониятлар мутлақо тенг. Эртага ким биринчи гол урса тактика ўзгариб бораверади. "Локомотив" кейинги босқичга чиқишга уринади. Жамоанинг янги тарихини яратмоқчимиз. Чорак финалга чиқишни жуда ҳам хоҳлаяпмиз", - дейди Андрей Микляев.

"Эртага албатта ўйин қийин бўлади. Ҳозирча ҳеч нима ҳал бўлмаган. Сафардаги дуранг ҳеч нимани англатмайди", - дейди Салим Мустафоев.

- Сафарда ҳимоядан ўйнадинглар. Эртага ҳужумкор ўйин намойиш этасизларми?
- Эртага жавоб баҳси. Шу боис ҳар бир хато кечирилмайди. Тактикамизни ошкор қилишни истамайман.

- Жамоа пенальтилар сериясига тайёрми?
- Албатта.

- Ўтган сафар ҳам шу савол берилганди. "Бунёдкор" стадионида ОЧЛда кам гол урилади. "Ал Наср" билан ҳам 0:0 бўлганди...
- Эртага 0:0 бўлиб пенальтилар сериясида ютсак бундан хурсанд бўламан. Аммо ҳужумчиларимизга ишонаман. Марат Бикмаев, Темурхўжа Абдухолиқовда имконият бўлса тўп киритишади ва ғалаба қозонамиз.

- Ўтган ўйинда айнан сизнинг қанотингиздан кўп ҳужум қилинди. Ўша футболчини ўргандингизми?
Салим Мустафоев: - Албатта учрашувдан кейин ўша ўйинни кўриб чиқдик. Рақибларни янада яхши ўргандик.

Нарзулла Сайдуллаев