UZ

Сўнгги янгиликлар

15:00Ўзбекистон МТЖнинг Иорданияга қарши ўйини бошланиш вақти маълум  1 14:33Тен Хаг Топ-5га қайтиши мумкин  3 13:48"Манчестер Сити"нинг аҳволи яхши эмас  10 13:15"Пахтакор"нинг навбатдаги трансфери европалик футболчи бўлиши мумкин  9 12:43Салаҳ: "Фойдасиз эмаслигимни исботлаш учун "Ливерпул"ни танлаганман"  2 11:53Breaking! Ҳусановнинг агенти учиб кетди, Абдуқодир "Манчестер Сити"да қачон тиббий кўрикдан ўтиши маълум  29 11:35"ЖЧдаги чемпионлик Роналдунинг фаолияти учун ажойиб якун бўларди"  8 11:06«Ювентус» «Барселона»га 50 миллион евро тўлашга тайёр  0 10:40Роналдунинг «Ал Насср» билан янги келишувига кўра ҳафтасига қанча маош олиши маълум  7 10:13Расман. «Арсенал» футболчи учун мавсум якунланди  3 09:42«Насаф»нинг яна бир собиқ легионери «Қизилқум»га ўтишга яқин  0 09:40Футзал бўйича Осиё Кубоги саралаш босқичи. Бугун Қувайтга қарши баҳс олиб борамиз  2 09:14Элдор Шомуродов учун А Сериянинг икки клуби курашмоқда  14 08:45«Қўқон-1912» яна бир собиқ футболчисини ортга қайтарди  0 08:05«Ланс» Ҳусановнинг ўрнига кимни олиб келиши маълум  5

Андрей Канчельскис: “Биринчи навбатда олдимизда “Сурхон” билан ўйин турибди” Янгиликлар

Андрей Канчельскис: “Биринчи навбатда олдимизда “Сурхон” билан ўйин турибди”

Coca Cola Суперлига 22-туридан ўрин олган баҳсда “Навбаҳор” Термизда “Сурхон” меҳмони бўлади.

Жамоа аъзолари мазкур ўйинга тайёргарлик доирасидаги Намангандаги сўнгги машғулотни кеча якунлашди ҳамда Тошкентга жўнаб кетишди. “Лочинлар” бугун Термизга жўнашади.

Бўлажак ўйин олдидан “Навбаҳор” бош мураббийи Андрей Канчельскисдан қисқача интервью олдик.

- “Сурхон”га қарши кечадиган баҳсга жиддий тарзда тайёргарлик кўриб, машғулотлар олиб боряпмиз. Тўғри, бўлажак ўйин олдидан таркиб борасида айрим муаммолар мавжуд. Жумладан, сафимизда жароҳат олган футболчилар бор. Аммо бу ҳаёт, бу футбол. Умид қиламанки, жароҳатланган жамоадошларининг ўринларини бошқа ўйинчилар муносиб равишда тўлдира олишади. “Сурхон”га қарши кечаётган тайёргарлик доирасида Наманганда сўнгги машғулотни ўтказдик.

- Ўтган якшанба куни “Андижон”га қарши ўртоқлик баҳси ўтказиб, 2:0 ҳисобида ғалаба қозондинглар. Сизнингча, ушбу ютуқ ҳам бўлажак учрашув олдидан футболчиларнинг кайфиятларига ижобий таъсир кўрсатадими?


- Андижонликлар билан бўлган ўйинни кимдир назорат баҳси, кимдир ўртоқлик учрашуви демоқда. Нима бўлишидан қатъий назар, бундай ўйинларда натижа муҳим эмас. Керакли юкламалардан сўнг, футболчиларнинг жисмоний ҳолатларини кўздан кечириб олиш мақсадида, ушбу баҳсни ташкиллаштирдик. “Андижон” билан бўлган учрашувда ўйин амалиёти кам бўлган йигитларга майдонда кўпроқ имконият яратиб бердик, етакчи футболчиларни эса ҳордиқ бериш мақсадида эртароқ алиштирдик.

Андижонликларга қарши кечган баҳсда кўплаб шогирдларим жисмоний ҳолатлари ижобий эканлигини намойиш этишди. Қолган ўйинчилар ҳам муносиб тўп тепишга интилишди.
Умуман олганда, “Андижон“ билан бўлган учрашувда йигитларнинг намойиш этган ўйинлари ва жисмоний ҳолатларидан қониқиш ҳосил қилдим. Албатта, ғалаба қозониш ҳар доим ёқимли ҳамда шогирдларимга ушбу ютуқ бўлажак баҳс олдидан ижобий кайфият туҳфа этади, деган умиддаман.

- “Навбаҳор”га қайтганингиздан сўнг, ниҳоят, ўтган турда жамоа “Динамо” устидан ғалаба қозонишга муваффақ бўлди. Мазкур ютуқдан сўнг, “Навбаҳор” руҳий “ўра”дан чиқди, деб ўйлайсизми?


- Бу ҳақда гапиришга ҳали эрта. Олдинда яна 5та ўйин бор. Ўша баҳсларни ўтказгандан сўнггина, бу ҳақда фикр билдириш мумкин. Айни пайтда жамоамизда совриндорлар сафидан ўрин олиш учун минимал имконият бор ва ундан оқилона фойдаланишга интиламиз. Биринчи навбатда олдимизда “Сурхон” билан бўлиб ўтадиган ўйин турибди ҳамда мазкур баҳсда ғалаба қозониб, мухлисларни хурсанд этиш учун барча имкониятимизни ишга соламиз.

“Навбаҳор” ПФК матбуот хизмати

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика