Андрей Фёдоров: “Ғалабага ҳақли эдик”

Ўйиндан кейинги матбуот анжуманида мезбонлар устози Андрей Фёдоров иштирок этди ва ўз фикрлари билан ўртоқлашди.

- Очиғи, ўйинни яхши бошладик деб айта олмайман. Оқибатда пенальтидан гол ўтказиб юбордик. Бироқ рақибнинг ушбу голи шогирдларимни “уйғонди” ва катта куч билан олдинга ташланишди. Очиғи, хозир ўйин ҳақида батафсил гапириш қийин. Ўйиндан келиб чиқиб гапирадиган бўлсам, биз ғалабага лойиқ эди. Агар вазиятлардан фойдалана олганимизда ҳисоб йирик кўриниш олиши ҳам мумкин эди. Баҳс сўнггида гол ўтказиб, ғалабани бой бериш аламлидир. Ўйиндан қониқдим. Футболчиларга раҳмат айтаман. Улар майдонда борини бериб меҳнат қилишди. Сўнгги дақиқада бутун жамоа бўлиб ҳимояга ётиб олдик. Оқибатда жарима майдончамизда тартибсизлик юзага келди. Бундай ҳоларда кичик хато қимматга тушади.

- Ҳакамлик борасида нима дейсиз?
- Ҳакамларни муҳокама қилишни ёқтирмайман. Бироқ бугун улар бизнинг зараримизга 2 та шубҳали қарор қабул қилишди. Биринчиси  рақиб дарвозабони жарима майдончасидан чиқиб кетди ва ҳаводан келаётган тўпни қўли билан қайтарди. Иккинчиси ҳакам ўйинга 4 дақиқа вақт қўшди. Бироқ учрашув 5 дақиқа давом этди. Ҳакамлар ҳақида чуқур фикр билдира олмайман. Бу менинг ишим эмас. Ҳакамларнинг фаолиятини баҳолайдиган қўмита бор,- деб фикрларини якунлади Фёдоров.  


“Нефтчи” матбуот хизмати.