Хави Алонсо машғулотни ўтказиб юборгани учун Азмунни жамоадан четлатди
16 июл 23:27
Янгиликлар

Хави Алонсо машғулотни ўтказиб юборгани учун Азмунни жамоадан четлатди

Сердар Азмун "Байер" билан ишлашдан четлаштирилди.

Леверкузенликлар ҳужумчиси ҳеч кимни огоҳлантирмасдан жамоанинг мавсумолди биринчи машғулотини ўтказиб юборди. Ташриф буюрмаганини у ўзини ёмон ҳис қилгани билан изоҳлади.

Шундан сўнг, "Байер" бош мураббийи Хаби Алонсо эронлик футболчини жамоа билан ишлашдан четлатди. Азмун индивидуал дастур бўйича машғулот ўтказади.

Машғулотларни ўтказиб юбориш футболчининг дисквалификациясига ягона сабаб бўлмади. Таъкидланишича, у клуб лагерига жисмоний ҳолати яхши бўлмаган ҳолатда келган.

Қайд этилишича, Сердарга "Севилья" қизиқиш билдирмоқда. Испанияликлар трансфердан кўра ижарага олиш вариантини афзал кўришмоқда.

Ўтган мавсумда Азмун "Рома"да ижара асосида ўйнади. Унинг ҳисобида А Серияда 23 та ўйинда 3 та гол мавжуд эди.

Ҳавола :

Манба : Bild

Янгиликларни Телеграмда ўқинг!

Рейтинг: +3