Александр Хомяков: "Битта ғалабадан сўнг вазият ўзгаради"

"Бугунги учрашувда бизни вазифамиз фаол ўйин кўрсатиб тезкор гол ўтказмаслик эди.  Асосий вазифа биринчи бўлиб ҳисобни очишга қаратилди.  Бахтга қарши ҳар иккиси ҳам амалга ошмади.  Жамоамиз биринчи бўлиб гол ўтказмай ҳимоявий ўйин кўрсатишни уддалаши керак.  Ўйин биз ўйлаган тарзда ўтмади.  Рақиб ҳам ёмон ўйин кўрсатмади ва қарши ҳужумда унумли фойдаланди.  Олдимизга қўйилган вазифа уддаланмади" ,  - дейди Александр Хомяков.

- Жамоанинг ўйинларига нимадир етишмаяпди деб ўйлайсизми ?

Ўзимизни кучимизга бўлган ишонч етишмади.  Бу тўсиқни енгиб ўтиш бизга насиб этмаяпди.  

- "Машъал" доимо сафардаги учрашувларда чиройли ва яхшироқ ўйин кўрсатади.  Бу нима билан боғлиқ?

Чунки биз сафарда ҳимоявий ўйин кўрсатамиз.  Биринчи бўлимда рақибимиз ҳимоявий ўйин кўрсатди.  Қарши ҳужумда чиройли ўйин кўрсатди.  Бизда вазиятларни яратишда муаммолар бўлди.  Иккинчи бўлимда ҳам рақибимиз ишонч билан ўйин кўрсатди ва ҳар икки жамоа очиқ футбол кўрсатди.  Шундан сўнггина бизга ўйнаш учун имконият туғилди ва бир вазиятдан фойдаландик.  Муаммолар жуда ҳам кўп.  Футболчиларни психологик жиҳатдан ва ўзини кучига ишонмаслиги муаммо бўлмоқда.  Битта ғалабадан сўнг бу вазият ўзгаради деб ўйлайман.  

Яна бир бор мухлисларимиздан узр сўрайман.  Озгина сабр қилишини сўраб қолар эдим.  Йигитлар қўлидан келганича ҳаракат қилмоқда.