UZ

Сўнгги янгиликлар

09:06Халқаро ўртоқлик турнири. Бугун ўсмирларимиз Англияга қарши майдонга тушади  3 08:35Ёзнинг энг қиммат ТОП-10 трансфери. Рўйхатнинг дастлабки учта ўрни бир жамоага тегишли  1 08:04"Байер"дан хайдаланган тен Хаг қанча товон пули олиши маълум  4 07:32Абдуқодир Ҳусанов "Манчестер Сити"нинг EЧЛ қайдномасидан жой олди  7 02:20Хейлунд МЮдан кетганидан қаттиқ ҳафа бўлган. Ҳужумчи ўзини Шешкодан яхшироқ деб ҳисоблаганди  5 01:50УЕФА "Барселона"га EЧЛ лига босқичи давомида "Камп Ноу"га қайтишига рухсат беради. Регламентда бу тақиқланганди  3 01:35Диёр Холматов: "Янги либосларнинг сифатига гап йўқ"  22 01:15Расман: Гюндоган "Ман Сити"дан "Галатасарой"га ўтди. Трансфер турк клубига текинга тушди  0 00:52Русланбек Жиянов: "Курашларга бой ўйинда ғалаба қозондик"  3 00:38Карлуш Кейруш: "Мен футболчиларимни охиригача ўйнашга мажбурлайман"  14 00:03Ровшан Мередов: "Анча ишончли ўйин ўтказдик"  6 23:25Расман: ОЧЛ 2 арафасида "Андижон"ни легионер футболчилардан бири тарк этди  15 23:17Тимур Кападзе: "Мухлислар нега кам? Ушбу саволга биз ҳам жавоб қидиряпмиз. Легионерлар кейинги учрашувга тайёр бўлади"  45 23:03Равшан Ҳайдаров U-23 Осиё кубоги саралаши ҳақида: "Жамоамиз турнирга белгиланган режа асосида пухта тайёргарлик кўрди"  3 22:08Игорь Сергеев миллий жамоа тарихидаги тўпурарлар орасида олтинчи ўринга кўтарилиб олди  15

"Агар Абрамов кетишимни хоҳламаган бўлса, "йўқ" дея жавоб бериши мумкин эди. "Динамо" сўнгги паллада – "Истиқлол" барча ҳужжатларни юборганидан сўнг таклифни рад этди". Жоэль Кожо амалга ошмай қолган трансфери бўйича изоҳ берди Янгиликлар

"Агар Абрамов кетишимни хоҳламаган бўлса, "йўқ" дея жавоб бериши мумкин эди. "Динамо" сўнгги паллада – "Истиқлол" барча ҳужжатларни юборганидан сўнг таклифни рад этди". Жоэль Кожо амалга ошмай қолган трансфери бўйича изоҳ берди

Теҳроннинг "Истиқлол" клуби "Динамо" футболчиси Жоэль Кожони харид қилмоқчи бўлгани, аммо охирги паллада трансфер амалга ошмай қолгани ҳақида хабарлар тарқалди.

Сайтимиз журналисти Абдулвосит Бектемиров футболчи билан боғланди ва вазиятга ойдинлик киритди.

"Мен "Динамо" билан шартномани янгилаш арафасида мураббийга бошқа клубга кетишни хоҳлаётганимни айтдим, лекин бош мураббий биз Суперлигага қайтганимиз ва мен жамоа етакчиси эканлигимни таъкидлаб, ушбу клубга кераклигим ва Суперлигага қайтишга ўз ҳиссамни қўшганимни айтган эди. Шундан сўнг мен ундан агар қачондир бошқа клубдан таклиф тушса, мени қўйиб юборишларига ишонч ҳосил қилишни сўрадим. Ўша пайтда мен ва рафиқам унинг офисида бўлдик ва у таклиф тушса, мени қўйиб юборишини айтди.


Кейинроқ шартнома имзоланганимдан сўнг у мени қўйиб юбориш учун менга қизиқиш билдирган клуб трансфер учун 100 минг АҚШ доллар тўлаш кераклигини билдирди, бу мен учун катта шок бўлди. Агентимга қўнғироқ қилдим ва у менга мураббийга ишонишимни, ортиқча ташвишланмаслигим кераклигини айтди. Шартномани Анталияда, мавсум олдидан ўтказилган йиғинда туздик. У менга агар таклиф тушса, мени қўйиб юборишига ишонтирди ва мен "Динамо" учун ҳар доим чин дилдан ўйнадим. Яқинда Қирғиз Республикаси терма жамоаси билан Эронга қарши ўйнадик ва ўйиндан сўнг "Истиқлол" клуби менга қизиқаётганини билдирди. Мен дарҳол агентим билан боғландим ва ундан "Динамо" бош мураббийи билан гаплашишини сўрадим. Мен ўша вақти терма жамоа сафида эдим. Ўзбекистонга қарши кечган ўйиндан сўнг жамоага қайтдим ва шахсан ўзим мураббий билан гаплашдим. У менга: "Кожо, сени ҳозир қўйиб юборолмайман, чунки бошқа ҳужумчи йўқ", деб айтди. Мен бош мураббийга жамоа учун ўйнашни истамаётганим учун эмас, бу таклиф менинг фаолият учун катта ўсиш бўлиши ва шунинг учун менинг ҳолатимни тушунишини илтимос қилдим. Бу мураббий учун қийин бўлса-да, кейин у рози бўлди ва мени харид қилмоқчи бўлган клуб таклифни юборса, масала ҳал бўлишини айтди.


Кеча кечки машғулотлардан сўнг "Истиқлол" трансфер таклифини юборди ва мураббий менга ҳеч қандай муаммо йўқлиги, директор билан боғланиб, ҳужжатларни имзолашим кераклигини айтди. Орадан бир соат ўтгач, директор агентим билан боғланиб, ҳеч қандай муаммо йўқлиги ва фақатгина бош мураббийнинг рухсатини кутаётганини айтди. Агар бирор нарса бўлса, биз унга қўнғироқ қилишимиз мумкинлигини таъкидлади. Шу вазиятда кечаси вазиятни ҳал этиш учун мураббийнинг офисига бордим, лекин бироз олдинроқ бош мураббийга хабар ёзиб, мени қўйиб юборишга рози эканлигини сўрадим ва у "ҳа" деб жавоб берди. Директор ҳамма нарсани мен учун имзолаши мумкин эди. Ўша кеча директорга 15 марта қўнғироқ қилдим, у менинг қўнғироқларимга жавоб бермади. Трансфер ойнаси ёпилишига 30 дақиқа қолганди. Бутун кечаси билан унга қўнғироқ қилдим, лекин у умуман жавоб бермади. Агентим ҳам бир неча бор қўнғироқ қилди, лекин жавоб ололмадик. Уйга умидсизлик билан қайтдим. Шунинг учун менинг уларга бўлган ҳурматим йўқолди. 


Агар у (Вадим Абрамов – таҳр.) кетишимни хоҳламаган бўлса, "йўқ" дея жавоб бериши мумкин эди. "Динамо" сўнгги паллада – "Истиқлол" барча ҳужжатларни юборганидан сўнг таклифни рад этди", - дея сўзлаб берди Жоэль Кожо.



"Динамо" Жоэль Кожони "Истиқлол"га сотишни истамади. Футболчи мураббий ва клуб директорини айбламоқда

Рейтинг: -7   

Фикрлар

championat.asia
< сўнгги янгиликларни кўриш
Яндекс.Метрика