Ратиньо кейинги мавсум учун режаси ва йил давомида энг ноқулай бўлган футболчи кимлигини айтди

— Бугунги ўйин сиз учун қандай ўтди?

— Ўйин кутилганидек қийин бўлди, аммо беллашувга яхши тайёргарлик кўрдик. Иккинчи бўлимда ўз ўйинимизни намойиш эта олдик, қулай вазиятлар яратдик ва ижобий натижага эришдик.

— Келаси мавсум сизни бошқа жамоа сафида кўришимиз мумкинми?

— Ҳозирча билмайман. Мавсум якунини кутамиз. Шундан сўнг “Динамо” раҳбарияти билан ҳар икки томон учун энг яхши қарорни муҳокама қиламиз.

— Мавсум давомида рақиб жамоалар таркибида сизга энг кўп қийинчилик туғдирган футболчи ким бўлди?

— “Насаф” футболчиси Ойбек Бозоров. У тезкор ва ақлли футболчи.