Абрамович Азарни "Челси"га қайтаришга тайёр
11 окт 2021 21:30
Янгиликлар

Абрамович Азарни "Челси"га қайтаришга тайёр

Бельгия терма жамоаси ва "Реал" ҳужумкор ярим ҳимоячиси Эден Азар Англия Премьер-лигасига қайтиши мумкин.

Манбанинг хабарига кўра, футболчига Лондоннинг "Челси" клуби қизиқиш билдирмоқда. "Аристократлар" хўжайини Роман Абрамович Эденни "Стемфорд Бриж"га қайтаришга тайёр.

Мадриддаги фаолиятининг муваффақиятсизлиги туфайли Азарнинг нархи анча тушиб кетди, ҳозирда у 40 миллион еврога баҳоланмоқда. Бу миқдор "Қироллик клуби" президенти Флорентино Пересни қаноатлантирмайди, у икки йил олдин бельгиялик футболчи учун 100 миллионга яқин пул тўлаган.

Эденнинг Мадрид гранди билан амалдаги шартномаси 2024 йилнинг ёзигача амал қилади.

Ҳавола :

Манба : El Nacional

Янгиликларни Телеграмда ўқинг!

Рейтинг: +4