UZ

Сўнгги янгиликлар

02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  18 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  15 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  24 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   29 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  373 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11

Абдуқодир Ҳусановнинг "Манчестер Сити"даги биринчи интервьюси Янгиликлар

Абдуқодир Ҳусановнинг "Манчестер Сити"даги биринчи интервьюси

Абдуқодир Ҳусанов "Манчестер Сити"даги илк кунида клуб медиасига интервью берди.

- Қодир, "Манчестер Сити"га хуш келибсиз. Эндиликда бизнинг футболчилардан бири бўлиш қандай экан?

- Бу жамоага қўшилганимдан жуда хурсандман. "Манчестер Сити" дунёнинг энг яхши жамоаларидан бири, бу ерга соврин ютиш учун келдим.

- Айни дамда "Сити"га ўтиш сиз учун тўғри қадамлигига нима ишонтирди?

- "Манчестер Сити" энг йирик жамоалардан бири. Гвардиола - жаҳоннинг энг яхши мураббийларидан. Шу сабаб келдим.

- Фаолиятингиз йўли ҳақида айтиб бера оласизми?

- Болаликдаги биринчи жамоам "ТошКуч" бўлган. У ердан "Бунёдкор" академиясига ўтганман. Академиядан сўнг профессионал футболдаги илк клубим Беларусь жамоаси бўлган. 18 ёшимда у ердан Францияга, бугун эса "Манчестер Сити"га ўтдим.

- Нега 45 рақамни танладингиз? Олдин ҳам ушбу рақамда ўйнагансиз, у сиз учун ўзгача аҳамият касб этадими?

- Профессионал футболни Беларусда 45 рақам остида бошлаганман. Шу сабабли бу рақамни олдим.

- Сиз тез ўсишга муваффақ бўлдингиз. Хабарларда кўплаб жамоалар сизга қизиқиш билдирганини ёзишди. Шунча жамоалар турганда, нега айнан "Сити"ни танладингиз?

- Олдинроқ айтдим, энг яхши жамоа, энг яхши мураббий, энг яхши чемпионат.

- Ўтган йили ёки ундан олдин "Манчестер Сити" ўйинларини кўришга имконингиз бўлганми? Нима деб ўйлайсиз, қандай футбол намойиш этамиз?

- Ўйини зўр, бошқача, ҳамманикига ўхшамайди.

- Пеп Гвардиола қўл остида ишлаш сиз учун қанчалик муҳим? Бу "Сити"ни танлашда асосий ролни ўйнадими?


- Чунки доимо энг яхшисини танлаганман. Мен яхшилар билан ишлаш учун келдим.

- Янги мамлакат, янги лига... Ҳаётингиздаги янги чақирувлар сизни ҳаяжонлантиряптими? Чунки жуда ёшсиз, 20 ёшдасиз.

- Мен ҳар доим қийинчилик билан келганман. Ҳеч нарсада тўхташ йўқ.

- Сиз Премьер-лига тарихидаги биринчи ўзбек футболчиси бўласиз. Бу сиз ва оилангиз учун жуда фахрли онлар бўлса керак. Уйингиздагиларнинг реакцияси қандай бўлди?

- Бу нафақат мен учун, балки бутун Ўзбекистон учун (катта муваффақият). Мен Англия Премьер-лигасидаги биринчи ўзбекман. Бу ҳали бошланиши, ўзбеклар кўп келишади...

- Ўзбекистон терма жамоаси ҳеч қачон жаҳон чемпионатида иштирок этмаган. Бироқ 2026 йилдаги мундиалда иштирок этишга яқин турибсиз. Бизга мамлакатингиздаги футбол ва у қандай ўсаётгани ҳақида қисқача гапириб бера оласизми?

- Ўзбекистонда футболга эътибор жуда катта. Шу сабаб ҳамма мундиалда иштирок этишимизга ишонишмоқда. Бир қадам қолди...

- Отангиз ҳам профессионал футболчи бўлган. У сизнинг фаолиятингизга қанчалик таъсир кўрсатган?

- Дадамнинг футбол ўйнашини кўриб, менда ҳам қизиқиш пайдо бўлган. Борганман... Ҳозирги даражамга етишимга дадамнинг ҳиссаси катта. Ҳар бир ўйин ва машғулотдан сўнг хатоларни муҳокама қиламиз.

- Сўнгги савол. "Сити" футболчиси ва Абдуқодир Ҳусанов сифатида бу мавсумдаги мақсадларингиз қандай?

- Бу ерга ўсиш ва соврин ютиш учун келдим.


Рейтинг: +35   

Фикрлар

championat.asia
< сўнгги янгиликларни кўриш
Яндекс.Метрика