Тачмурод Агамуродов: "Бугунги ўйиндан сўнг истеъфога чиқишга қарор қилдим"

- Бугунги ўйиндан сўнг ҳозирги лавозимимдан истеъфога чиқишга қарор қилдим. Жамоани элитада муносиб иштирок этиши учун қўлимдан келганча ҳаракат қилдим. Афсуски, чемпионатда муносиб иштирок этиш учун биргина мураббий ҳаммасини амалга ошира олмайди. Бунинг учун бутун структура ҳаракатда бўлиши лозим. 

- Шу ўринда бизни ҳар қандай ҳолатда ҳам қўллаб-қувватлаб турган кўп минг сонли жамоа ишқибозларига ташаккур изҳор этаман. Биламан улар жамоани етакчи ўринларда кўришни исташади. Аммо мени тўғри тушунишларини истайман. Мен жамоа учун ўз тажрибамдан келиб чиқиб барчасини қилдим. Аммо катта натижаларга бир киши эриша олмайди.

- Ўтган ўйин борасида тўхталадиган бўлсам, жамоамда бугун 5 нафар етакчи футболчи майдонга туша олмади. Уларнинг ўрнига маҳаллий ёш футболчилар ҳаракат қилишди. Акмал Холмуродов, Павел Смольяченко, Максимилиан Фомин, Азиз Ибрагимов ва Николай Чипевлар турли сабабларга қўра бугун жамоага ёрдам бера олишмади. Бирваракайига бешта етакчи футболчини бўлмаслиги ҳар қандай жамоага қийинчилик туғдиради - дейди Тачмурод Шамакович.