"Ман Сити" Альваресни сотмоқчи эмас, аммо Хулиан кўпроқ ўйнамоқчи. ПСЖ футболчига қизиқмоқда

Манчестер клуби Аргентина терма жамоаси футболчиси билан яна учрашади ва у билан Америка кубогидан сўнг вазиятни муҳокама қилади.

Фабрицио Романонинг хабарига кўра, Альварес кўпроқ ўйнамоқчи, "Ман Сити" эса уни ҳеч қачон сотишни хоҳламаган ва нарх ўрнатмаган.

Қайд этилишича, ҳужумчининг хизматларига ПСЖ қизиқмоқда, аммо "Сити" барибир ўйинчини сақлаб қолмоқчи.

Альвареснинг "Манчестер Сити" билан амалдаги келишуви 2028 йилга қадар мўлжалланган. Форвард 2023/24 йилги мавсум АПЛ доирасида 36та ўйинда майдонга тушиб, 11та гол ва 9та ассист қайд этди.

Transfermarkt ўйинчини 90 миллион еврога баҳоламоқда.