Андижонда "кесакдан олов чиқди"

"Пахтакор" мавсумдаги илк мағлубиятини қабул қилди

Эътиборлиси, бу воқеа кўпчилик учун кутилмаганда содир бўлди. 19-турга қадар мусобақа жадвалида охирги бўлиб турган "Андижон" пешқадам устидан зафар қучди (Фарҳод Соҳибжоновнинг голи эвазига).

Андижон Фарҳод Соҳибжонов - 25'

Суперлига. 19-тур 19/09/2021, 16:00 0 : 1 Тугади

Пахтакор

45'

90'

25'  Фарҳод Соҳибжонов

25'  Василий Совпель

51'  Бахтиёр Қосимов

74'  Фарҳод Соҳибжонов

79'  Василий Совпель (Абдулҳай Исмоилов)

86'  Фарҳод Соҳибжонов (Диёр Раҳимқулов)

90'  Павел Забелин (Шерзод Ғуломжонов)

46'  Диёр Холматов (Хожимат Эркинов)

46'  Азизбек Турғунбоев (Достонбек Ҳамдамов)

46'  Сардор Собирхўжаев (Аброр Исмоилов)

75'  Фаррух Сайфиев (Шароф Муҳитдинов)

75'  Боян Матич (Шерзод Темиров)

Матч-центрда очиш

Маълумот учун, 1-даврада ушбу жамоалар ўртасида ўтган баҳсда "шерлар" 3 очколик бўлган, ўша ўйин тақдирини Шерзод Темиров томонидан урилган гол ҳал қилганди.

"Насибуллаевдан Насибуллаевгача" — "Шерлар"нинг зафарли серияси тугади

Бунда ҳам эътиборга лойиқ жиҳат бор. "Пахтакор" Суперлигада 298 кунлик танаффусдан кейин яна мағлуб бўлди (20 ўйиндан иборат серия). 

Энг қизиғи, 2020 йилнинг 25 ноябрида ўтказилган "Насаф" билан ўйинни ҳам (3:0, 24-тур) бугунги баҳсда ишлаган Шавкат Насибуллаев бошчилигидаги ҳакамлар бригадаси бошқарган эди.

Шунингдек, бугун "Пахтакор"нинг 565 дақиқалик "қуруқ серияси" ҳам якунланди.

5 йил

"Бургутлар"нинг Тошкент клубига қарши охирги ғалабаси шунча муддат олдин қўлга киритилган эди. Аниқроқ айтсак, 2016 йилги мавсумнинг 16-турида водийга сафар қилган "шерлар" ортга бошлари эгик ҳолда қайтишган. Ўша ўйин тақдирини ҳам 1 та гол ҳал қилган бўлиб, Дилшод Жўраев томонидан пенальтидан урилган эди.

Шундан кейин ўтказилган 5 ўйиннинг барчаси "Пахтакор" фойдасига ҳал бўлганди (тўплар нисбати — 13:1). Маълумот учун, Фарҳод Соҳибжоновга қадар "Андижон"нинг "Пахтакор" дарвозасига урилган охирги голига Илдар Маматказин муаллифлик қилган эди (2019 йилнинг 27 августида).

Хуллас, 20 ўйиндан бери енгилмаётган "шерлар" охирги ўриндаги "бургутлар" олдида ожиз қолишди. Халқимиз бундай воқеалардан кейин шундай дейди: "Кесакдан олов чиқибди-да". 

Нима деб ўйлайсиз, мавсум якунига қадар олдинда турган 7 турда бу вазифани яна қайсдир жамоа уддалай оладими?

Буюклик оддийликдан бошланади!