Зафармурод Абдираҳматов: "Биз рақиб танламаймиз"
28 янв 20:10
Янгиликлар

Зафармурод Абдираҳматов: "Биз рақиб танламаймиз"

Ўзбекистон терма жамоасининг бугунги машғулотида "Насаф" клуби футболчиси ва терма жамоамиз аъзоси Зафармурод Абдираҳматов Таиландга қарши кечадиган учрашув ҳақидаги фикрлари билан бўлишди

- Таиландга қарши тайёргарлик қандай кечмоқда?

- Таиландга қарши учрашувга тайёргарлик кўрмоқдамиз. Ҳаммаси режамиз бўйича кетмоқда. Ишлашда давом этамиз. Биз ўйинга тайёрмиз. Гуруҳ босқичини мағлубиятсиз якунлай олдик. Бу қувонарли жиҳат.

- Таиланд терма жамоаси биз учун қулай рақибми?

- Биз рақиб танламадик. Айрим бир жамоалар атайлаб рақиблардан қочиш учун ўйнашди. Жалол ака Машарипов айтиб ўтганларидек биз ҳеч қайси рақибдан қўрқмаймиз ва курашишга тайёрмиз. Таиланд ҳам анча яхши шакилланган жамоа ҳисобланади.

- Шерзод Насруллаев жароҳатдан қайтди, энди бош мураббий кимга кўпроқ ўйин амалиётини тақдим этади деб ўйлайсиз?

- Билмадим. Эртага ушбу саволга жавобни билиб оламиз. Бош мураббийнинг ҳар доим ҳурмат билан қабул қиламан.