Хосе Венансио Лопес: "Адолатли натижа қайд этилди. Жорий йиғин давомида кўпроқ ҳимоя чизиғини яхшилаш ҳаракатидамиз"
20 июл 01:38
Янгиликлар

Хосе Венансио Лопес: "Адолатли натижа қайд этилди. Жорий йиғин давомида кўпроқ ҳимоя чизиғини яхшилаш ҳаракатидамиз"

Футзал бўйича Ўзбекистон терма жамоаси бош мураббийи Хосе Венансио Лопес Тожикистонга қарши кечган (3:2) учрашувдан сўнг матбуот анжуманида иштирок этди.

- Ўйин ҳақида

- Учрашув курашларга бой бўлди. Баҳснинг дастлабки 6-7 дақиқасида яхши ўйнай олмадик. Сабаби, ҳаёлимиз майдонда эмас эди. Тайм-аутдан сўнг эса йигитлар ўзига келиб олишди. Йигитлардан агрессивроқ ўйнаш кераклигини илтимос қилдим. Бугунги адолатли натижа қайд этилди.

- Дарвозабономиз Аббос Элмуродов иккинчи бўлимда захирага олинди. Бунга сабаб нима?

- Бу олдиндан ўйланган режа эди. Ўртоқлик учрашувларида натижа аҳамиятсиз. Таркибни ўзгартириб туришимиз керак. Ушбу турнир давомида экспериментларга қул урамиз. Мусобақада давомида қайси аспектларни ривожлантириш кераклигини билиб оламиз.

- Жаҳон чемпионати стартига икки ой вақт қолди. Сиз терма жамоага мураббийлик қилишдан ташқари, жуда ҳам кўп ташкилий ишлар билан шуғулланмоқдасиз. Ўзингизнинг вазифангиз ташқари ҳам жуда кўп ташкилий ишларга раҳбарлик қилмоқдасиз. Июнь ойида ташкил этилган "FIFA Instructors" курсларида ҳам шаҳсан ўзингиз бошчилик қилдингиз. Ҳаётингиздаги ушбу давр қандай кечмоқда?

- Бу катта ҳажимдаги иш. Жаҳон чемпионатидаги ташкилий ишлар ва мамлакатда футзални янги даражага олиб чиқишни мақсад қилганмиз, аммо ҳозирги вақтда бор эътиборимни терма жамоага қаратганман. Жорий йиғинда кўпроқ ҳимоя устида ишламоқдамиз. 15 кун давомида машғулот олиб боряпмиз. Олдиндан икки ой вақтимиз бор. Мундиалга яхши тайёргарлик кўра олишимизга ишонаман.