Норвегиялик футболчи "Олтин тўп" учун курашишга имконият яратувчи жамоага ўтмоқчи. Холанд бу нарсани орзу қилади, у футбол тарихига кирмоқчи. Эрлинг бу ҳақда агенти Мино Райолага айтди.
21 ёшли форвадрнинг янги клубида муҳим ролни ўйнашни хоҳлаши маълум, аммо у ҳужум чизиғидаги юлдуз шерикка қарши эмас. Холанд "Реал"да Килиан Мбаппе билан боғлами унга "Олтин тўп"ни ютишда ёрдам беришини билади.
"Реал" Холанднинг трансфери амалга ошишига ишонади, аммо клуб ҳозирда Мбаппе билан шартнома имзолашга эътиборини қаратган.
21 ёшли ўйинчи жорий мавсум "Боруссия" таркибида 20та ўйинда майдонга тушиб, 23та гол ва 5та ассист қайд этди. У жароҳати сабаб 22 январдан бери ўйнамаяпти.
