Хитойда стадион қўриқчилари футболчиларни калтаклашди
25 сен 2017 12:40
Янгиликлар

Хитойда стадион қўриқчилари футболчиларни калтаклашди

Теглар : Хитой

Хитойнинг "Харбин Итэн" клуби футболчилари стадион қўриқчиларининг ҳужумига учрашди.

Бу воқеа "Юньань Лицзян"га (1:1) қарши баҳснинг танаффусида содир бўлди. Маълум бўлишича, иккинчи бўлимнинг бошланиши 50 дақиқага чўзилди.

"Харбин Итэн" вакилларининг сўзларига кўра, танаффусда кийиниш хонасида чироқ ўчиб қолган ва ўнлаб қўриқчилар ичкарига кириб, футболчиларни дубинка билан ура бошлаган. "Юньань Лицзян" вакилларининг сўзларига кўра, калтак еган меҳмон жамоа футболчилари учрашув бош ҳакамига таҳдид қилишгани учун қўриқчилар аралашишига тўғри келган. Дубинкалар ишлатилмагани айтилмоқда.

"Агар бу ҳақиқат бўлса ва ўнлаб қўриқчилар калтаклаган бўлса, қандай қилиб улар иккинчи бўлимга чиқишди ва учрашувни давом эттиришди?" - дейилади "Юньань Лицзян" баёнотида.

Хитой футбол ассоциацияси ушбу воқеа бўйича текширув ишларини бошлади.

Ҳавола :

Манба : Goal

Янгиликларни Телеграмда ўқинг!

Рейтинг: -10