Вальверде: "Биз ҳам "Атлетико" каби кўп югуришимиз керак"

"Биз "Ванда"да бўлган сўнгги икки учрашувда рақиблар ҳисобда олдинда бораётганди. Ҳисобни тенглаштиришни уддалагандик. Биз ҳисобни тенглаштиришга уринаётганимизда худди "Атлетико" каби ҳаракат қилгандик. "Атлетико" - яхши ҳимояланиб, тезкор ҳужумларга ўта оладиган камёб клублардан бири. Улар Туринда чиройли ўйин ўтказишди. Улар ҳар доимгидек ажойиб ҳолатда.

Ушбу учрашувга икки мақсад билан келдик. Биринчидан, етакчиликка қайтмоқчимиз, иккинчидан, йил якунини яхши кайфият билан якунламоқчимиз. Ғалабага эришадиган жамоа эса яхши қувватга эга бўлади. Аммо ғалабага эришиш учун "Атлетико" каби кўп югуришимиз керак", - деди Вальверде.