“УзДонгЖу” футбол қоидалари бўйича семинар ўтказди

Жамоа бу йил кишки мавсумлар оралиғида ўз қароргоҳида йиғин ўтказишдан ташқари маълум муддат Тошкентда ҳам ҳозирлик кўрди. ПФЛ Кубогида иштирок этди. Айни дамда эса ўз қароргоҳида эканлигини айтиш лозим.

“Бўёқчилар” қишки йиғин чоғида селекцияга алоҳида эътибор қаратди ва ўз сафига биринчи лига тоифасида тажрабали бўлган ўйинчиларни қўшиб олди.



Янги мавсум олдидан жамоа профессионалларча иш тутган холда, футбол қоидалари бўйича семинар ташкил этди. Уни андижонлик ҳакам Акмал Раҳимов олиб борди. Ўз вақтида Малайзида, ОФК штаб-квартирасида бўлиб маҳоратини оширган Раҳимов “УзДонгЖу” футболчиларига футболдаги қоидалар ҳақида маъруза ўқиди бу борада етарли тушунча беришга харакат қилди.



Унда Нозим Муллаохунов ва Абдурашид Исмоилов бошқарувидаги жамоанинг барча футболчилари иштирок этди ва футболдаги янги кашф этилаётган қоидалардан бохабар бўлди. Бу каби семинарлар мавсум давомида футболчиларга асқотиши тайин.



Албатта бугунги кунда биринчи лиганинг кўплаб жамоалари чемпионатда иштирок этиши қийин бўлиб турган бир пайтда “УзДонгЖу”нинг бундай семинар ташкил этгани таҳсинга лойиқдир.

Айтганча “УзДонгЖу” бу йил “Joma” либосларидан фойдаланишни маъқул кўрди.