U-16 Осиё чемпионати. Бугун Ўзбекистон Яман билан ўйнайди
20 сен 2016 07:30
Янгиликлар

U-16 Осиё чемпионати. Бугун Ўзбекистон Яман билан ўйнайди

Теглар : Ўзбекистон U-16 U16 Осиё чемпионати

Бугун, 20 сентябрь куни Ўзбекистон U-16 терма жамоаси Ҳиндистонда ўсмирлар ўртасидаги U-16 Осиё чемпионатида иккинчи учрашувни ўтказади.

Қитъа биринчилигида Осиёнинг энг кучли 16 терма жамоаси иштирок этмоқда. Улар орасида Темур Олимхўжаев бошчилигидаги Ўзбекистон ўсмирлари ҳам бор. Мусобақада ярим финалга чиққан тўрт терма жамоа кейинги йил Ҳиндистонда бўлиб ўтадиган U-17 Жаҳон чемпионатига йўлланмани қўлга киритади.

Ўзбекистон ўсмирлари дастлабки турда Таиландга қарши баҳс олиб боришди ва 5:3 ҳисобида зафар қучишди. КХДР 1-турда Яманни 2:0 ҳисобида таслим қилди.

Бугун ўсмирларимиз Яманга қарши ўйнашади. Мазкур учрашув Тошкент вақти билан соат 15:30да бошланади. Гуруҳдаги иккинчи учрашув КХДР ва Таиланд ўртасида бўлиб ўтади. Бу ўйин соат 19:30да старт олади.

"D" гуруҳи
20 сентябрь
15:30 - ЎЗБЕКИСТОН - Яман
19:30 - КХДР - Таиланд