O'tgan haftada viloyatning markazi Termiz shahridagi "Sog'lom avlod" stadioni qoshida yoshlarni katta futbolga tayyorlashga xizmat qiluvchi "Paxtakor" akademiyasi ish boshladi. Endi Toshkent klubining viloyatdagi bo'limida ham yuqori toifali murabbiylar yangi nomlarni kashf etish, istedodli yoshlarni tayyorlash bo'yicha ish olib boradi. Hozirda yangi ochilgan akademiyada yuzga yaqin yoshlar futbol sir asrorlarini o'rganmoqda. O'ylaymizki bu yaqin kelajakda Surxon futboli uchun ham katta o'sishni taminlaydi. Ushbu akademiya ochilishida "Paxtakor" klubining bir qator rahbariyat a'zolari ham ishtirok etishib yoshlar uchun kerakli bo'lgan to'p va formalarni taqdim etishdi.