Суперлига. 15-тур лауреатлари

Championat.asia тур баҳслари асосида тур лауреатларини аниқлади.

"Турон" клуби бу тур ўз майдонида "Сўғдиёнаг"га қарши ўйнади ва муҳим ғалабага эришди. Яйпан клуби бу мавсум фақат бир марта мағлуб бўлган Жиззах клубини таслим эта олди. Шу боис Игорь Шквирин championat.asia сайти талқинига кўра 15-турнинг энг яхши мураббийи деб топилди. Игорь Анатольевич "Турон"га келганидан буён 5та ўйин ўтказди ва 2та ғалаба ва 3та дурангга эришди.

"Навбаҳор" бу тур ўз майдонида "Локомотив"ни қабул қилди ва кичик ҳисобда ғалаба қозонди - 1:0. Ушбу баҳсда мезбонлар посбони Ўткир Юсупов жуда яхши ўйнади. У беллашув давомида жамоасини бир неча бор муқаррар голлардан сақлаб қолди. Шу боис Championat.asia сайти талқинига кўра, 15-турнинг энг яхши дарвозабони Ўткир Юсупов бўлди.  

Бу турда "Қизилқум" ярим ҳимоячиси Гиорги Кухианидзе "Қўқон-1912" дарвозасига ажойиб гол урди ва тур голи муаллифига айланди. 

"Бунёдкор" бу тур "Металлург"ни 2:0 ҳисобида мағлуб этди. Шу куни "қалдирғочлар" сафида Фарруҳ Икромов жуда фаол ўйнади. Дастлаб ўзи гол урди, сўнгра шеригига голли узатма амалга оширди. Шу тариқа, Фарруҳ Икромов championat.asia талқинига кўра 15-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига