Шевченко: "Ибрагимович менинг рекордларимни такрорлаётганидан хурсандман"
03 ноя 2020 17:28
Янгиликлар

Шевченко: "Ибрагимович менинг рекордларимни такрорлаётганидан хурсандман"

Бугунги кунда Украина терма жамоасини бошқараётган "Милан" собиқ ҳужумчиси Андрей Шевченко Златан Ибрагимовичнинг "россонерлар" таркибидаги ўйини ҳақида гапирди.

"Златан шу ёшида ақлга сиғмас ишлар қилмоқда. "Милан" у билан фақат ўсади. У менинг клубда ўрнатган айрим рекордларимни такрорлаётганидан хурсандман. "Милан" ҳамиша қалбимда ва жамоа муваффақияти мени бахтли қилади.
Шартномани узайтириш? Ибрагимович қилаётган ишларни ҳисобга олиб унга мутлақо ишонган бўлардим. Унда мотивация етарли бўлса қанча хоҳласа шунча ўйнаши мумкин. Агар унда хоҳиш бўлса ва мен мураббийнинг ўрнида бўлсам унга дарҳол қўнғироқ қилган бўлардим", - дея Шевченконинг сўзларини келтирди "Tuttomercatoweb" сайти "La Gazzetta dello Sport" нашри маълумотига таяниб.