UZ

Сўнгги янгиликлар

15:52“Таклиф устида узоқ ўйланмадим, бу биз учун янги чақирув” – Максим Шацкихдан дастлабки фикрлар  7 15:47Футболда тезлик бўйича жаҳон рекорди янгиланди  1 15:26Эвра Брунунинг кетишига қарши: "У жамоанинг энг муҳим ўйинчиси, усиз МЮ Европа Лигаси финалига чиқмаган бўлар эди. Уни қўйиб юборишса, хато бўлади"   0 14:31“Лочин” парвози: Кубокдаги сенсация ва Полвоновнинг қайтиши  3 14:08Деку: "Барса" Рафинья ва Ямалга боғланиб қолган. Таркибда баланс бор, лекин бизга уларга ўхшаш ўйинчилар керак"  2 13:11"Игорь, футболкангни бер". "Пахтакор" - "Насаф" учрашувидан ФОТОГАЛЕРЕЯ  1 13:05"Наполи" ва де Брюйне шартнома тафсилотларини муҳокама қилишга тайёр, ярим ҳимоячининг оиласи хоҳишлари инобатга олинди   0 12:21Қоидабузарликдан сўнг урилган гол ва ВАРнинг нотўғри аралашувлари. Суперлиганинг 9-тури ҳакамлик таҳлили  3 12:12"Пахтакор" тўртинчи бўлди. "Насаф" охирги бор қачон 6 та гол ўтказган эди?   17 11:53“Трастбанк”дан кичик бизнес эгалари учун 500 млн сўмгача кредит!  1 11:45Драган Черан ҳакамнинг хатолари, кўп гол уролмаётгани ва "Пахтакор"дан кетиши ҳақида гапирди  5 11:28Игорь Сергеев: "Насаф"га қойил қолиш керак, улар чиройли футбол намойиш этишди. Мени Мбаппе ёки Рафинья билан таққослаш шарт эмас"  7 11:01Ҳусайн Норчаев: "Кубокни қурбон қилиш режамиз йўқ эди"  10 10:50Виктор Гёкереш "Арсенал"да қанча маош олиши маълум  9 10:18Гвардиола Де Брюйнега ўринбосар топди  3

Шерзод Эсанов: "Катта режаларим бор, уларни босқичма-босқич амалга ошираман" Янгиликлар

Шерзод Эсанов: "Катта режаларим бор, уларни босқичма-босқич амалга ошираман"

Ёзги трансфер ойнасида "Андижон"дан Россиянинг "Акрон" клубига ўтган иқтидорли ярим ҳимоячи Шерзод Эсанов кеча Россия кубоги доирасида ўтказилган "Факел"га қарши баҳсда ватандошимиз учрашувнинг энг яхши футболчиларидан бири бўлди. Сайтимиз мухбири Эмиль Бекмуҳамедов эса Шерзод билан боғланди ва кичик суҳбат қурди

- Янги жамоага ва Россиядаги ҳаётга мослашиш қандай кечмоқда? Кўчиб ўтишда муаммолар бўлмадими?

- Ассалому алайкум. Ҳаммаси жойида. Аста-секин янги шароитга кўникиб боряпман. Клубга мослашишим яхши кетаётгандек. Кўчиб келишга келсак, бу борада ҳеч қандай муаммога дуч келганим йўқ.

- Жамоа, мураббийлар штаби ва ходимлар сизни қандай кутиб олишди?

- Мени жуда самимий кутиб олишди. Бунинг учун уларга миннатдорчилик билдирмоқчиман.

- Ўзбекистон ва Россия футболи ўртасидаги фарқни ҳис қилишга улгурдингизми? Икки мамлакат футболида қандай фарқларни сездингиз?

- Албатта, фарқ бор. Барча лигалар нимаси биландир бошқалардан фарқ қилади. Ўйлайманки, Россия Премьер-лигасида футбол Суперлигага нисбатан жисмоний жиҳатдан кучлироқ.

- "Акрон"даги футболчиларим билан дўстлашиб кетишга улгурдингизми?

- Мен барча футболчилар билан яхши муносабатдаман. Жамоамизда жуда яхши ва илиқ муҳит мавжуд.

- "Андижон"да ўрганган қайси жиҳат "Акрон" жамоасида қўл келмоқда?

- "Андижон"да кўп нарсани ўргандим. У ерда профессионал фаолиятим бошланди. "Андижон"да бошимдан кечирганларим менинг ривожланишимга ижобий таъсир кўрсатгани аниқ.

- Янги клубда ва Россия чемпионатида ўз олдингизга қандай мақсадларни қўйдингиз?

- Маълум бир мақсадсиз футболчига ўйнаш қийин. Менинг катта режаларим ва мақсадларим бор, уларни босқичма-босқич, қадам-бақадам амалга ошираман.

- "Андижон"нинг ўйинларини кузатиб борасизми?

- Ҳа, албатта, кузатаман. Клуб учун қайғуряпман. Умид қиламанки, улар Ўзбекистон кубогини қўлга киритишади.

- Фаолиятингизни кузатишда давом этаётган ўзбек мухлисларига тилакларингиз?

- Менга ғамхўрлик қилаётган барчага раҳмат айтмоқчиман. Мен буни ҳис қиламан ва бу мени ишлашни давом эттиришга ундайди.Мени қўллаб-қувватлаётган ва ғамхўрлик қилаётган оилам ва яқинларимга ҳам раҳмат айтмоқчиман.


Эмиль Бекмуҳамедов суҳбатлашди

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика