Вингер допинг таҳлили ижобий чиққани учун футболдан вақтинча четлатилган. Хабар қилинишича, ноябрь ойида терма жамоадаги ўйинидан кейин Мудрикда мелдоний аниқланган - шундан бери у майдонга тушмаяпти.
Агар B допинг-пробаси ҳам ижобий натижа берса, саботаж ёки тест баённомасида хатолик исботланмаса, у 4 йилга дисквалификация қилиниши мумкин.
"Севилья" вазиятни диққат билан кузатиб бормоқда ва агар у оқланса ёки дисквалификация муддати бир неча ойга қисқартирилса, вингерни ижарага олишни кутмоқда.
Мудрик жорий мавсум "Челси" сафида АПЛда 7та ўйинда майдонга тушди.
