Сарваржон Холматов: «Мақсадимиз — мухлисларга фақат ғалаба туҳфа этиш»

Муҳим баҳс олдидан навоийликларнинг иқтидорли ярим ҳимоячиси Сарваржон Холматовнинг ўйинолди фикрлари билан қизиқдик.

—Кўз тегмасин, бу йилги мавсумни ижобий натижалар билан бошладик, — дейди “Қизилқум” жамоаси вакили. — Бугун бизни яна бир муҳим учрашув кутиб турибди. «Бухоро» тажрибали футболчиларга эга. Аммо бу бизни асло хавотирга солаётгани йўқ. Навоийлик минглаб мухлислар жамоамиздан фақат ғалаба кутишмоқда. Кўча-кўйда мухлислар билан учрашиб қолсак, уларнинг жамоамиздан умидлари катта эканликларини эшитяпмиз.
Бугун ҳам Навоийдаги «Ёшлар» спорт мажмуаси ишқибозлар билан тўлиб-тошишини тахмин қилиш қийин эмас. Биз учун эса ҳар бир учрашувда ғалаба қозониш ва муҳим очколарни қўлга киритиш жуда катта аҳамиятга эга. Асосийси, жамоадошларимнинг кайфиятлари аъло. Мақсадимиз эса мухлисларга навбатдаги ғалабани туҳфа этишдир.

«Қизилқум» ПФК Матбуот хизмати.